Á túr

Endastöð

2008-08-26T07:25:00.000-07:00

Túrinn er búinn.
Það er svolítið skrýtið, ég mun líklegast ekki fatta það fyrr en eftir nokkrar vikur þegar við ættum að vera að fara aftur út.
Við eigum án efa eftir að lifa lengi á þessu ævintýri, en ég er enn að melta s.l. 18 mánuði sem hafa vægast sagt verið stórkostlegir.
En það sem tekur við er kanski aðeins hversdagslegra en skemmtilegt engu að síður.
Ég mun byrja í Tónlistarskólanum í Reykjavík í næstu viku, svo held ég áfram sem skrifta í Kastljósinu á RÚV og er byrjuð að innrétta ný heimkynni með unnustanum.

Til gamans má geta að við spiluðum á 75 tónleikum, heimsóttum 66 borgir í 32 löndum, gistum á ca. 73 hótelum og guð má vita í hvað mörg flug við fórum.

Ég þakka þeim sem heimsóttu síðuna fyrir lesturinn og vona að þið hafið orðið einhverju nær um ferðalag okkar.

Kv. Valdís Þorkelsdóttir

Wonderbrass og Jez á lokatónleikunum á Spáni

Ein vika eftir

2008-08-08T13:08:00.000-07:00

Nú fer að líða að lokum hjá okkur, en það er einunis ein vika eftir af ævintýrinu mikla. Loka-giggið verður á Ola festivalinu á Spáni 15. ágúst.
Síðustu viku höfum við alið manninn í Tyrklandi og Portúgal, en erum nú í vikulangri afslöppun í Almeria á Spáni.

Það er fekar skrýtin tilfinning að þessu fari brátt að ljúka, en mikið á ég eftir að sakna þess að spila á tónleikum af þessu tagi,
svo ég tali nú ekki um að sakna túra-fólksins sem við erum búin að ferðast með síðustu 18 mánuði.
Það verður eflaust mikið skælt við sundlaugarbakkann næstu dagana.

Myndasýnishorn frá Berlín, Róm, Verona og Aþenu

2008-07-30T12:36:00.000-07:00

Síðan ég skrifaði síðast á bloggið höfum við spilað á Melt! festivalinu í Þýskalandi, skoðað helstu menjar Rómaborgar, notið góðs matar og spilað í hinni mögnuðu Arenu Veronaborgar og klifið upp á Akrópólis-fjall í Aþenu.

Myndir segja fleira en mörg orð.

Þýska stálið var heldur áberandi á Melt!

Richard lazer-goð og Damian eru hrifnir af Tom Selleck lúkkinu

Ég var í miklu túristastuði við Colosseum í Róm

Brasspíur í Vatikaninu

Salóme í túristastuði við Arenuna í Verona

Andi múttu sveif yfir vötnum í vínkjallaranum á veitingastaðnum Dodici Postuli í Verona

Hópmynd af Volta bandinu og hluta af "krúinu" á Dodici Postuli

Þessar skvísur héldu uppi miklu stuði

Við fórum í sunnudagshádeginu í garðinn til Renzo og þáðum léttar veitingar

Renzo, Marina og co. ásamt íslenskum stuðpíum

Það var geggjað að spila í Arenunni í Verona

Í dag fórum við uppá Akrópólis hæð í Aþenu

Á morgun spelum við í Ólympíuhöllinni hér Aþenu sem ku vera ansi stór.

Eigiði góðar stundir og léttar lundir,

Valdís Þorkelsdóttir

Fregnir

2008-07-20T08:06:00.000-07:00

Nú um helgina höfum við spókað okkur um í hinni margslungnu Berlín.
Við fengum okkur víetnamskan mat á besta stað í bænum, Monsieur Vuong (fórum reyndar tvisvar!!), tókum nokkrar svart-hvítar passamyndaræmur á Kastanien Alle, misstum okkur aðeins í fata- og búsáhaldabúðum, fengum okkur Fuck-You-Fries á rockabilly-barnum White Trash Fast Food og skemmtum okkur ærlega.
Á eftir höldum við síðan í tveggja tíma rútuferð til að spila á Melt! festivalinu síðar í kvöld. Síðan er það bara Róm á morgun......stuð.

Myndir frá liðinni viku í Riga og Berlín:

Fallega Riga í Lettlandi

Maður fer ekki babúskulaus frá Eystrasaltinu

Lettneskur Barbie-bíll

Sigrún og Monsieur Vuong

Björk, Bergrún und Das Fotoautomat

Þýsk sápukúlulistakona

Vilnius

2008-07-14T12:32:00.000-07:00

Í gærkvöldi spiluðum við í Vingio Park í Vilnius í Litháen.
Sú nýlunda var að um miðbik tónleikanna spiluðum við Wonderbrassið eitt verk aleinar. Það brassverk var hið magnþrungna Overture sem má finna á Selmasongs sem Björk samdi fyrir "Dancer in the Dark" kvikmyndina. Það var bæði krefjandi og skemmtilegt.

Vilnius er afar fallegur bær, þar eru evrópsk miðbæjar-rólegheit ríkjandi. Það var því ánægjulegt að spóka sig um innan um rússneskar rétttrúnaðar-kirkjur og villtumst við inn í fermingu að þeirra sið í einni kirkjunni.
Stundum er ágætt að setja sig í túristastellingar, allavegana er ekki mikil hætta á að maður missi sig í búðunum þar sem tískan í Vilnius-bæ líkist því sem var móðins í Reykjavík árið 1996. Sumsé ekkert svo smart.
Í fyrstu héldum við að einhver kvefpest herjaði á litháensku þjóðina, en komumst síðar að því að "takk" á litháensku er "atsjú".

Kátar meyjar í Vilnius

Björk og Björk

Ferðabar á hjólum

Tónleikarstæðið í gærkveldi

Náttúra

2008-06-30T09:32:00.000-07:00

Það var meiriháttar stuð á laugardaginn þegar við spiluðum í Þvottalaugabrekkunni á Náttúrutónleikum.

Björk var með hálsbólgu en það mátti varla heyra á henni, hún kann svo sannarlega að kýla á það.

Ég minnist þess ekki að hafa spilað í eins miklum kulda og raunin var á sviðinu. Þrátt fyrir mikil hopp og ýktar danshreyfingar fórum við af sviðinu með frosnar tær og bláar varir.

Þetta var samt sem áður ótrúlega gaman og ágætis upptaktur af komandi tónleikaflakki.

Sigur rós með fyrir-tónleika-hvatningu

Wonderbrass og Brassgat í bala sameinast

Damian var í stuði en hann á heiðurinn af myndunum hér að neðan:

Ég og familían

(mynd: Damian)

Uppklappslag: Anchor Song

(mynd: Damian)

Lokatúrinn

2008-06-23T12:57:00.000-07:00

Á morgun hefst lokaleggur Volta-túranna átta, með 7 vikna Evrópureisu.

Fyrstu tónleikarnir verða á miðvikudaginn í París en eftir það komum við aftur heim og spilum á laugardaginn í Þvottalaugabrekkunni með Sigur rós og Ólöfu Arnalds.

Það verður víða komið við í sumar, en ferðaplanið hljóðar svo:

Frakkaland-Ísland-England-Finnland-Litháen-Lettland-Þýskaland-Ítalía-Grikkland-Tyrkland-Portúgal-Spánn.

Hér sé stuð.

Smá auglýsingar

2008-06-14T06:31:00.000-07:00

Framundan er 7 vikna Evróputúr sem er jafnframt lokahnykkurinn á Volta ævintýrinu. Þar verður komið víða við, m.a. á auglýstum Náttúru tónleikum í Laugardal með Sigur rós og fleirum góðum.
Þeir sem hafa hins vegar áhuga á að heyra í okkur Undrabrassinu spila annars konar prógramm er bent á að hlusta á útvarpsþátt Erlu Ragnarsdóttur þann 17. júní á Rás 2 þar sem hún spjallar við einhverjar dömur úr Undrabrassinu og síðan má heyra okkur spila á gáskafullri æfingu.
Laugardaginn 21. júní spilum við á lokatónleikum Norræns Hornaþings í Salnum í Kópavogi.

Ég lofa tíðum færslum á blogginu á Evróputúrnum í sumar.

Kv. Valdís Þorkelsdóttir

Aflýsingar

2008-05-05T11:48:00.001-07:00

Nú er ég komin heim.
Því miður var lokatónleikunum okkar í gær aflýst sökum veikinda aðalsöngkonunnar.
Okkur var tilkynnt þetta rétt áður en við fórum í hljóðprufu í gær og það var fremur svekkjandi, en við vorum komnar í mikinn stuð-tónleikagír.
Þetta var smá antí-klímax á annars öflugum túr.
En ég er komin í nokurra vikna ferðalagafrí, það er alveg ágætt að fá smá pásu frá því að búa endalaust í ferðatösku.

Valdís

Bretlandstúrlok

2008-05-03T11:31:00.000-07:00

Á morgun munum við spila hér í Sheffield á lokatónleikum okkar á þessum Bretlandstúr.

Þessar tæpu 4 vikur sem við höfum verið á fartinni eru búnar að vera ansi notalegar og hefur verið sveitaleg út-á-landi stemmning í hópnum síðan við fórum frá London.
Það ríkja blendnar tifinningar gangvart ofur-Evróputúrnum í júlí, sökum þess að hann er jafnframt sá síðasti. Það verður einkennilegt að fara ekki aftur á túr í haust, en það tekur eitthvað annað við.
En við byrjum lokatúrinn á afar spennandi stað sem ekki má upplýsa hver er eins og stendur.

Ég læt eitthvað í mér heyra á næstu 8 vikum sem við verðum á fagra Ísalandi, en læt hér í lokin fylgja tvær myndir sem teknar voru á Hammersmith Apollo tónleikum í London:

N-Írland

2008-04-27T14:34:00.000-07:00

Síðustu daga höfum við alið manninn í Belfast á N-Írlandi.

Í dag gerðumst við meiriháttar túristar og fórum í dagsferð að skoða ekta írskan viský-búgarð og frægu steinklappirnar að Giant Causeway. Fyrir utan að vera algert náttúruundur eru steinklappirnar þekktar fyrir að prýða Led Zeppelin plötuna: "Houses of the Holy".

Mér þykir skemmtilegt hversu náttúra N-Írlands er lík íslenskri náttúru, en í dag leið okkur eins og við værum í skoðunarferð heima á Íslandi.

Þessi mynd lýsir ágætlega út-á-landi-stemmningunni sem réð ríkjum þegar við vorum í Wolverhampton í síðustu viku

Þessi dama kom í eftirpartýið eftir tónleikana í Wolverhampton

Giant Causeway

Okkur fannst ekki leiðigjarnt að slaka á á steinklöppunum

Særún var í ofsastuði

Alnöfnurar blómstruðu í sveitasælunni

Já, það má með sanni segja að vorfiðringurinn hafi leikið um meðlimi Volta-bandsins í dag.

Annars eru þriðju síðustu tónleikar okkar á þessum hluta túrsins á morgun hér í Belfast.

Eigið góðar stundir lesendur góðir,

Valdís Þorkelsdóttir

Á fartinni

2008-04-22T07:31:00.000-07:00

Nú er Lundúnarævintýrið á enda og hefur rútuferðalag okkar um England tekið við. Þrennir tónleikar eru að baki í Hammersmith Apollo og var stuðið á síðustu tónleikunum á sunnudag ólýsanlegt.Við spiluðum í fyrsta sinn Triumpf of a Heart við góðar undirtektir, en undir lokin á Declare Independence rann ég í öllu glimmer-konfettíinu með þeim afleiðigum að ég datt kylliflöt með trompetinn og allt mitt hafurtask sem var fremur hálfkátleg uppákoma.

Hér koma nokkrar myndir frá liðinni viku í Lundúnum:

Við fórum nokkrar á Agöthu Cristie leikritið Mousetrap sem er búið að vera í sýningu sl. 56 ár

Við sáum 23.078. sýningu

Kolla sæta kom á tónleika

Þessir bræður líka

Gestrisna Lundúnarparið, Jökull og Freydís

Við erum nú sem stendur norður í landi, nánar tiltekið í smábænum Plymouth.Við munu spila hér í kvöld í Pavilinois-höllinni sem er nánast alveg eins og Laugardalshöllin að innan.
Það er gaman af því.

Lundúnir

2008-04-15T14:17:00.000-07:00

Við höfum nú dvalið hér í Lundúnum frá því á laugardaginn.

Gamansömu foreldrar mínir hafa heiðrað mig með nærveru sinni undanfarna daga, og höfum við gert ýmislegt menningarlegt okkur til dægrarstyttingar.

Á sögufrægum Bítla-slóðum við Abbey Road hljóðverið:

Pabbi og stúlka frá Camden-Market-landi:

Í gærkvöldi spiluðum við fyrir troðfullu húsi í Hammersmith Apollo, en þetta voru fyrstu af þremur tónleikum okkar þar á bæ.

Nokkur ungmenni frá tímaritinu Dazed and Confused fengu að fylgjast með okkur í búningaherberginu okkar, sem vakti mikla katínu hjá okkur brass-stelpunum.

Allt að gerast fyrir tónleikana:

Tónleikarnir gengu afskaplega vel og var mikið stuð í salnum. Ekki var minna stuðið í eftirpartýinu þar sem foreldrar mínir stigu laufléttan dans með okkur.

Pabbi var ekkert að hafa fyrir því að fara úr úlpunni á dansgólfinu:

Helga Ólafs og Valdís Guðmunds voru í góðum gír

Enn og aftur á túr

2008-04-08T11:31:00.000-07:00

Jæja, þá er komið að því að við höldum aftur í hann eftir langt og gott frí.
Ég neita því ekki að maður sé að verða ansi spenntur að komast aftur í tónleikafílinginn, en við förum á 4 vikna Bretlandstúr á fimmtudaginn.
Fyrstu tónleikar okkar verða í Manchester núna á föstudaginn en eftir það verða þrennir stórtónleikar í Hammersmith Apollo í London. Síðan tekur við rútuferðalag um stóra Bretland þar sem að víða verður komið við.

Ég læt hér fylgja ógleymanlegt myndband frá því við vorum í Shanghai en ég gat ekki birt það þegar ég dvaldi þar sökum mikillar ritskoðunar í Kína.
Forsaga myndbandsins er sú að við fórum að sjá ekta kínverska óperu sem var um 5 klukkustunda löng. Í myndbandinu sést hvernig líðan Sigrúnar yngri var þegar einungis 15 mínútur voru liðnar af sýningunni:

Heima

2008-03-05T01:24:00.000-08:00

Nú erum komin heim eftir sólahrings ferðalag frá Shanghai.
Ég geri ráð fyrir eilitlu blogghléi næstu 5 vikurnar, eða þar til við höldum aftur í hann á hressandi Englandstúr.

Ég bið ykkur vel að lifa,
Valdís Þorkelsdóttir

Hong Kong, Kína

2008-02-29T07:09:00.000-08:00

Í gærkvöldi spiluðum við við góðar undirtektir í risaskemmu í Hong Kong, en þess má geta að hinir margfrægu Backstreet Boys munu troða þar upp í kvöld. Gaman að því.
Nú erum við hins vegar komin til Shanghai, eftir ei þrautalaust ferðalag frá Hong Kong.
En eins og flestir vita er mikil mannmergð í Kína, það má segja að það sé fólk alls staðar, í öllum hliðargötum, á hverju götuhorni. Umferðin er eftir því en við vorum í tæpa 3 klukkutíma á leiðinni frá flugvellinum á hótelið.
En framundan eru lokatónleikar okkar á þessum massíva túr, en við spilum í Shanghai Changning Arena núna á sunnudaginn kemur.

Mistur í Hong Kong

Erla í einum af rúllustigunum í Soho-brekkunni í Hong Kong

Sviðið í Hong Kong skemmunni

Brynja sefur í rútunni og Særún hlær

Japan

2008-02-24T03:43:00.000-08:00

Eftir stutt og þægilegt hraðlestarferðalag frá Tokyo erum við komin til Osaka í Japan.
Á morgun munum við síðan spila í Osaka Castle Hall fyrir um 16.ooo hressa Japana.
Nú fer að styttast í heimför þar sem við höldum sem leið liggur til Hong Kong snemma á þriðjudagsmorgun en verðum komin til fagra Íslands einungis viku seinna.

Japönsk myndasýning:

Fremur dasaðar eftir verslunar-maraþon í Asakusa markaðinum, Tokyo

Voða artí hús í Harajuku

Mark Bell var afmælisbarn kvöldsins eftir seinni Budokan tónleikana

Sunna og Kosugi voru hress á Budokan tónleikunum

Osaka séð frá hótelglugganum mínum

Í verslunarmiðstöðinni við hliðina á hótelinu okkar tók á móti okkur hátíðlegur orgelleikur

Bangsalatte

Við máttum sitja á gólfnu að japönskum sið á veitingastað í Kyoto

Íslensku víkingakonurnar fundu vott af náladofa við setuna

Tokyo

2008-02-20T04:51:00.000-08:00

Nú höfum við dvalið hér í Tokyo í 3 daga og verð ég að játa að ég er stórhrifin af borginni og er Tokyo orðin nýja uppáhalds borgin mín, næst á eftir New York.
Við höfum eytt mestum tíma okkar í trylltum verslunum og keypt allskyns (óþarfa) varning eins og t.d. Pro Air Guitar og penna em er eins og sjónvarps-hljóðnemi í fullri stærð.

Það er áberandi hversu allt er yfirgengilega snyrtilegt hér í Tokyo. Ég sótthreinsa hendurnar áður en ég borða á veitingastöðunum og ég verð að fara úr skónum áður en ég fer í mátunarklefann í fatabúðunum.
Enda eru Japanir ansi penir og kurteisir. Eru ævinlega að beygja sig og bugta.
Það sama má segja um Japanana sem hlýddu á okkur í Budokan höllinni í gærkvöldi.

Um 10.000 manns sátu í höllinni en það hefði mátt halda að áhorfendatalan væri nær 100 því það var dauðaþögn á milli laga fyrir utan aumt gól frá einum sem hafði bersýnilega fengið sér of mikið Saki með kvöldmatnum.
En tónleikarnir gengu vel, og undir lokin var fólk farið að dilla sér og syngja með.
Eftir tónleikana fórum við í einka-karókí samkvæmi og það kom mér á óvart hversu tæknilegur karókíbúnaðurinn er orðinn. Maður valdi lögin á stórri fjarstýringu sem var með snertiskjá og fyrir utan að hægt væri að velja næstum hvaða lag sem var, var líka hægt að velja í hvaða tóntegund maður vildi syngja það.
Það var vel tekið á því og mættu rámar brasspíur í morgunmatinn í morgun.

Brynja og Særún tékka á sýnishorna-eftirréttum

Ég og Björk að versla í Harajuku

Japanskir sjálfssalar eru voða smart

Brynja, Sigrún og Björk sitja í Women Only sætum í neðanjarðarlestinni

Við fórum á ekta Sushi stað

Stuð í Tokyo

Budokan höllin, þar sem m.a. Bítlarnir spiluðu í denn

Frekar margir að ganga yfir gatnamót í Shibuya

Hér má sjá verslunarafrakstur dagsins

Flughrædd í Asíu

2008-02-17T05:04:00.000-08:00

Í gærkveldi spiluðum við fyrir fullri Ólympíuhöll í Seoul og var á köflum ansi spaugilegt að fygljast með penum Kóreubúum sleppa fram af sér beislinu.
Í 2 klukkustunda massa-hljóðprufunni fyrir tónleikana dustuðum við rykið af nokkrum vel völdum lögum og fluttum svo í fyrsta skipti á tónleikum Vertebrae by Vertebrae af Voltu sem heppnaðist alveg hreint ágætlega.

Nú erum við komin til Tokyo eftir vægast sagt krefjandi flug. Allavegana fannst mér eins og vélin væri að hrapa þegar hún lækkaði flugið fyrir lendingu.
Í stað þess að panikka hlustaði ég á Ellý Vilhjálms, lokaði augunum og ímyndaði mér að ég væri í rússíbana. Það róar yfirleitt alltaf taugarnar í flugi, eða náttúrulega ef ég hlusta á ABBA.
Þótt undarlegt megi virðast þá er ég sífellt að verða flughræddari, en ég er einn af hlægilegu flugfarþegunum sem ríghalda með lokuð augun í stólarmana í ókyrrð.
Samt sem áður skipta flugferðir á síðastliðnu ári tugum ef ekki hundruðum.
Það er soldið spes.

Myndir:

Í Seoul tíðkast það að elda matin sjálfur

Andrea og Brynja skákdúllur

Ólympíuhöllin í Seoul að innan

Hótelherbergið mitt hér í Tokyo er dæmigert með krúttlegum japönskum rennigluggum og kimono-náttsloppum á rúminu

Faxtækið mun án efa koma sér vel...

...sem og klósettstýribúnaðurinn

블로그 만들기

2008-02-14T05:35:00.000-08:00

Erum sem stendur í Seoul, Kóreu.
Það er æði sérstakt, ekki hefði ég getað ímyndað mér að Asía væri svo sérstök eins og raun ber vitni. Það segir sig sjálft að fólkið er öðurvísi en það er líka (fúkka) lyktin og loftslagið, en hér er nístingskuldi, sem er sosum ágætt eftir molluna og öll moskítóbitin í Indónesíu.

Það var eins gott að Harpa og Thelma gátu skýlt sér í reykingarskýlinu á fugvellinum í Indónesíu

Á flugvellinum í Singapore er hægt að fara á internetið og bregða sér svo í sund

Lobbý-listaverkið á hótelinu okkar eltir Sigrúnu
..

Add to My Profile | More Videos

Kóreskur matseðill í þrívídd

Því verður ekki neitað að við skerum okkur eilítið úr á götum Seoul

River-rafting á Balí

2008-02-11T20:13:00.000-08:00

Á sunnudaginn var héldum við í River-rafting á Balí.
Það var æði sérstakt og minnti á köflum einna helst á atriði úr Indiana Jones bíómynd þar sem við sigldum í gegnum frumskóg með stórbrotinni náttúrufegurð.

Það er soldið erfitt að vera töff með hjálm og í björgunarvesti

Brynja stekkur með stæl

Nú erum við hins vegar komin til Jakarta í Indónesíu.
En í kvöld verða fyrstu tónleikar okkar af sjö í Asíuhluta túrsins.
Það verður stöð.

Á fílabaki

2008-02-08T08:00:00.000-08:00

Það má segja að það sé allt að gerast hérna á Balí, en í nótt reið yfir jarðskjálfti sem ku vera fremur algengt á þessum slóðum.
Ég er ekkert sérstaklega mikið fyrir náttúruhamfarir og ákvað því að sleppa fyrirhugaðri eldfjallaferð í dag en fór þess í stað með nokkrum góðum á fílabak.

Blauti sundlaugarbarinn er alltaf vinsæll

Særún og Björk bregða sér á bak

Við Brynja fíluðum okkur vel

Sigrún, fílinn Cindy Crawford og ég

Fíla-túrista-hópmynd

Bali

2008-02-06T08:29:00.000-08:00

Í fyrradag flugum við frá Ástralíu til eyjarinnar Bali í Indónesíu.
Hér munum við dvelja í viku í sólbaði og almennri afslöppun.

Í gærkveldi var boðið uppá klassískan balískan ballett á hótelinu og lék æði sérstök Gamelan hljómsveit undir

Sigrún og yfirkokkurinn urðu góðir vinir

Í hádeginu borðuðum við í eins konar hofi og okkur stóð til boða að skreppa í sund á meðan við byðum eftir matnum

Hrísgrjónaakurnn fyrir utan þar sem við borðuðum í hádeginu var fagur ásýndar

Í dag fórum við einnig í massíva skoðunarferð um eyjuna eða "Shitseeing" eins og leiðsögumaður okkar orðaði það svo skemmtilega.
Við fórum meðal annars í frægt apa-musteri þar sem aparnir búa frjálsir.
Það var ansi magnað að sjá þá lifa lausa og hamingjusama í muserinu, sem er ansi ólkíkt því sem maður er vanur að sjá í almennum dýragörðum.

Öpunum líkaði vel við Thelmu og Bergrúnu

Apar að tjila í musterinu

Við urðum að klæðast pilsum að hindúískum sið er inn í apa-musterið var komið.

Musterishópmynd (það kann að vera annkannalegt en takið eftir að ég er soldið eins og api á þessari mynd)

Stuð í "Down under"

2008-02-02T02:27:00.000-08:00

Nú eru aðeins einir tónleikar eftir af BigDayOut hátíðinni.
En þeir verða á morgun hér í Perth (heimabær Heath Ledger snökt snökt).
Ætli það verði ekki eitthvað um grát og gnístran tanna hjá sumum í lokahófinu, en þetta er búið að vera ótrúlega skemmtiegt og erum við úr nokkrum hljómsveitum orðin eins og ein stór partýfjölskylda.

Í matsalnum á BDO í Adelaide var í boði að hitta litla sæta kóala-bjarnardömu

Í matsalnum var líka sérstakt lystaukandi glímuþema

Régine úr Arcade Fire sýnir Bergrúnu nokkra klassíska stuðhljómaganga

Ég, James úr LCD Soundsystem, Erla og Damian eitthvað að flippa

BigDayOut í Melbourne

2008-01-28T22:07:00.000-08:00

Í gær lékum við á appelsínugula sviðinu á BigDayOut festivalinu hér í Melbourne eftir dágott tónleikafrí.

Bergrún með möffins-hattinn

Hita-svita smink

Við spiluðum með Arcade Fire í lokalagi þeirra: Rebellion Lies

Eftir hátíðina var haldið í magnað eftirpartý þar sem allt flæddi af ókeypis áfengi eða ákeypis ófengi eins og sumir vildu kalla það.

Ég notaði tækifærið og frumsýndi nýja Lilju Pálma-lúkkið

Björk, Scott og Bergrún voru í miklum stuðham

Hátíðarskap

2008-01-25T20:10:00.000-08:00

Eins og fram hefur komið víða spiluðum við ekki á BigDayOut festivalinu í Sydney í gærkvöldi.
Við létum það þó ekki aftra okkur frá því að fara á hátíðina og reyndum því í eitt sinn að vera hinum megin við sviðið, þ.e.a.s. í mannþrönginni.
Það var stuð.

Okkur þykir ekki leiðinlegt að flatmaga á Bondi ströndinni

Hljómsveitin Battles voru ansi taktfastir

LCD Soundsystem voru töff

Eftirpartý

Á götum úti eru nú mikil hátíðarhöld, en Ástralir fagna í dag þjóðhátíðardegi sínum.
Við ætlum í tilefni dagsins að klæða okkur upp og hlýða á Joanna Newsom í stóra fallega óperuhúsinu hér í Sydney.

Óperuhúsið í Sydney

2008-01-23T23:05:00.000-08:00

Í gær stigum við á svið hér í Sydney og við okkur blasti 6000 manns og einnig fallegt tunglskin og hið stórbrotna óperuhús.
Það má með sanni segja að það hafi verið mögnuð upplifun.

Fólk fylgist spennt með Australia Open á götum úti

Ég og óperuhúsið fræga

Við fórum nokkrar kátar hnátur á Arcade Fire tónleika í fyrrakveld

Ég harma að missa af Burt Bacharach í óperuhúsinu síðar í þessum mánuði

Útsýnið af sviðinu góða

Smá nýjung í innanundir-klæðnaði

Harpa frænka og Sydney-búi var í stuði

BigDayOut í Auckland og Gold Coast

2008-01-20T15:43:00.000-08:00

Í gærkveldi spiluðum við í annað sinn á BigDayOut farand-hátíðinni hér í Gold Coast í Ástralíu.
Það voru meiriháttar tónleikar.

Sigrún kann að dressa sig upp

Lísa, Emma og Sigurjón voru í stuði á BigDayOut í Auckland

Þegar við erum ekki að freta í lúðrana flatmögum við á ströndinni

Það var afar ánægjulegt að sjá Shy Child á sviði í Cold Coast

Arcade Fire-liðar voru að vanda í góðum gír

Eftir skamma stund fljúgum við sem leið liggur til stórborgarinnar Sydney.
Góðar stundir
Valdís

Af teygjustökki og fleiru

2008-01-17T13:16:00.000-08:00

Í gær gerðust Sæ- og Bergrún svo djarfar að fara í ekta nýsjálenskt teygjustökk fram af risastórri brú hér í Aucklandbæ.
Mér þótti nóg um að þurfa að ganga undir brúnni á rimlgangvegi þar sem maður sá 30 metra niður á sjó undir fótum sér.
Því sat ég hjá er koma að teygjustökki og festi atburðinn á filmu í staðinn.

Portkonur

Í teygjustökksmiðstöðinni voru Særún og Bergrún beltaðar upp

Stelpurnar ganga óhræddar til verks

Mér fannst ekki notalegt að ganga undir brúnni

Eins gott að enginn hrasaði á leiðinni upp

Undir brúnni er stórkostlegt útsýni

Ég var fremur lofthrædd á útsýnispallinum (það skal tekið fram að þetta eru lánsskór)

Hér má sjá ungan Breta falla 50 metra í teygjunni, en stelpurnar fóru sömu leið
(best er að halla höfðinu til vinstri til að sjá rétta mynd)
Check out this video: Teygjustökk

Add to My Profile | More Videos

Við urðum síðan að fara sömu hræðilegu leið tilbaka

Þetta er nýji ofur-túbukassinn hennar Brynju

Björk fékk sér nýsjálenska hárgreiðslu

Í gærkveldi vorum við smá áttavilltar

Þetta er gömul kirkja sem er nú krúttleg belgísk vöfflu-krá

Stuð í Auckland

Síðar í kvöld munum við spila hinu gríðarstóra BigDayOut festivali en það eru jafnframt fyrstu tónleikar okkar af 14 á þessum túr.

Auckland, Nýja Sjáland

2008-01-16T00:25:00.000-08:00

Nú erum við komnar alla leið til Auckland á Nýja-Sjálandi.
Ferðin gekk ekkert alltof vel. Á mánudagsmorgun varð tveggja tíma seinkun á Londonar-fluginu okkar vegna veðurs í Keflavík, sem varð til þess að við misstum af aðalfluginu til Nýja-Sjálands.
Ekki beint heppilegasta flugið til að missa af.
Eins og vona er að vísa var þessu reddað og þurftum við ekki að bíða nema í 6 klukkustundir á Heathrow, en sem betur fer voru 10 laus sæti í kvöldflugi til Nýja-Sjálands.
Þetta var nú ekkert venjulegt kvöldflug, en við máttum sitja í sömu sætunum í 24 klukkustundir, en millilentum reyndar í smástund í Hong Kong.
Dagurinn í dag hefur því að mestu farið í að snúa sólahringnum við.
Hér er afbragðs veður, 26 stiga hiti og sól.
Á morgun munum við því sleikja sólina og hyggjast einhverjar fara í teygjustökk að nýsjálenskum sið.

Beðið á Heathrow með öllum farangrinum

Sigrún heldur sér í formi á flugvellinum í Hong Kong

Auckland er æði snyrtileg borg

Ástralíu- og Asíutúr

2008-01-08T05:26:00.000-08:00

Gleðilegt sítt hár!

Nú styttist í næsta túr en það má segja að það verður enginn smá túr.
Við verðum á flakki í heilar 7 vikur, og förum til Nýja-Sjálands, Ástralíu, Indónesíu, Kóreu, Kína og Japan.
Á mánudaginn kemur fljúgum við alla leið til Nýja-Sjálands sem mun vera hátt í 27 klukkustunda ferðalag.
Ég er full tilhlökkunar og get ekki beðið eftir að prufa að sörfa í Ástralíu, liggja í sólbaði í Indónesíu, fara á markaði í Kóreu og borða sushi í Tokyo.
Ekki má gleyma öllum tónleikunum 14 sem eru framundan.
Við munum m.a. spila fyrir framan óperuhúsið fræga í Sydney, í Ólympíuhöllinni í Kóreu og tvisvar sinnum í Budokan salnum í Tokyo.
Nettur.

Lasin og veik í Las Vegas

2007-12-20T16:45:00.000-08:00

Í dag er vika síðan við vorum í Las Vegas.
Raunar missti ég af öllu stuðinu þar sökum veikinda og var rúmliggjandi báða frídagana okkar. Það má segja að það hafi verið heldur svekkjandi.
Hins vegar var ég ögn hressari á laugardaginn þegar við spiluðum í The Pearl, sem var tónleikastaður á spilavítis-hótelinu okkkar.

Við Særún drösluðumst með hor og hósta í næstu verslunarmiðstöð, sem hafði einnig að geyma smá-útgáfu af Eiffelturninum

Stuð í Casino

Þessu tóku spilavítis-hlaðborðið á brúðkaupsveisluna

Björk hatar ekki Elvis

Nú er ég sumsé komin í mánaðarlangt jólafrí og mun leggja starfsfélögum mínum á RÚV lið þangað til við förum aftur á túr.
Þá verður ferðinni heitið til Nýja-Sjálands, Ástralíu og Asíu.

Ég óska dyggum lesendum gleðilegra jóla og farsældar á komandi ári.
Ekki verða gerð frekari skil á árinu 2007 en það má með sanni segja að það hafi verið ansi viðburðarríkt.

Stuðkveðja,
Valdís Þorkelsdóttir

Los Angeles

2007-12-13T18:39:00.000-08:00

Í gær spiluðum við á miklum stuð-tónleikum í Nokia Theatre í Los Angeles.
Sú nýbretyni var höfð að við trompetpíurnar skiptum á sviðs-staðsetningum við básúnuhnáturnar, svo að núna fretum við uppá háum palli í aftari röðinni, sem er næs, og svipar til BigBands-uppstillingar.
Eftir mikið jóla-verslunaræði er nú 4 daga dvöl okkar í Los Angeles lokið, og erum við komin til Las Vegas, hinnar margfrægu borgar spilavíta og Drive-Thru-brúðkaupa.
Hótelið okkar er dæmigert fyrir borgina, en þar má m.a. finna freistandi spilavíti, ekta Playboy næturklúbb og stóran tónleikasal, en þar munum við spila á laugardaginn kemur. Það verða því hæg heimatök þegar kemur að því að fara í hljóðprufu fyrir tónleikana, ég er að spá í að mæta á náttbuxunum.

Hótelið okkar í Los Angeles var í West-Hollywood

Særún horntelpa fjárfesti í skvísubassa

Básúnuhnátur að fíla sig í fremri röð

Særún og Erla hafa sig til fyrir tónleika

Harpa vill ekki sjá neitt annað en Hörpu-bjór

Það var meiriháttar stuð í eftirpartýinu (allavegana hjá okkur Íslendingunum)
Einn dans vid mig

Add to My Profile | More Videos

Guadalajara - Mexíkó

2007-12-09T15:21:00.000-08:00

Nú erum við í Guadalajara í Mexíkó, sem er fyrsti viðkomustaður okkar í 11 daga jólatúr.
Ekki er nú jólalegt um að litast hér í Mexíkó, en veðurfarið svipar til íslensk júlímánaðar. Ég tók því til minna ráða við að gera hótelherbergið ögn jólalegra og festi kaup á fáláta jólaseríu sem prýðir nú rúmstokk minn. Auk þess hlusta ég mikið á íslensk jólalög. Einungis til að missa ekki niður jóladampinn.

Í gærkveldi spiluðum við á Sonifilia festivalinu í Huentitan Canyon-dalnum sem var æði sérstakur tónleikastaður. Það tók um tvo tíma að komast á staðinn, en raunar fórum við ekki fljótlegustu leiðina, heldur fjallabaksleið með slitróttum malarvegum þar sem oft á tíðum var þverhnípt niður og varð manni iðulega um og ó.
Samkvæmt staðarhöldurum var þetta hins vegar fallegasta leiðin, sem var nú rétt og uppgötvaði maður ótrúlega fegurð mexíkóskra sveita. Við létum því okkur hafa það að hossast við fram og tilbaka.

Guadalajara séð út um hótelgluggann minn

Mexíkósk raðhúsabyggð

Huentitan Canyon-dalurinn

Í gær fórum við nokkrar góðar á 5 hæða inni-markað

Töff rúmteppi

Jólastytterí

Í gær fagnaði Harpa básúna 20 ára afmæli. Af því tilefni gáfum við henni þessa jólastjörnu sem hún sló svo allar óvæntu gjafirnar úr, líkt og að slá köttinn úr tunnunni.

Eftir tónleikana fékk jólstjarnan að finna fyrir því eins og sjá má

Ríkarður kom á tónleikana alla leið frá El Salvador.

Á morgun er ferðinni heitið til Los Angeles, en þar verða tónleikar í Nokia Theatre á miðvikudaginn, en þess á milli verða jólagjafainnkaup á dagskrá.

Túramyndir

2007-11-23T09:06:00.000-08:00

Fyrir áhugasama, vini og vandamenn eru afar margar myndir frá Evrópu/Ameríku túrnum langa í haust og S-Ameríku komnar inn á myndasíðuna mína

Ég vil einnig benda sama fólki á væntanlegan Bretlandstúr okkar í apríl/maí. Mér finnst tilvalið að sumir skelli sér í smá ferð út fyrir landsteinana til að fara á stuðtónleika. Það skal taka fram að mikil breyting hefur orðið á frá því í Laugardalshöll um páskana sem mátti heita generalprufa.
Maður segir bara svona.

Túrlok

2007-11-18T08:39:00.000-08:00

Í gærkvöldi voru lokatónleikar okkar í krúttlegri íþróttahöll hér í Bogotá.
Tónleikarnir gengu snuðrulaust fyrir sig, en reyndar áttum við nokkrar úr blásaradeildinni erfitt með andardrátt um miðbik tónleikanna sökum þess hversu hátt Bogotá liggur, en borgin ku vera í 2700 metra hæð yfir sjávarmáli.
Eftir Wanderlust og trylltan dans í Hyperballad og Pluto var maður orðinn fremur ringlaður og sá ég stjörnur.
Fengum við því að anda að okkur fersku súrefni úr súrefniskút sem var baksviðs.
Persónulega finnst mér það vera eilítið rokkstjörnulegt.

Þrátt fyrir fyrrgreint súrefnisleysi var mikil kátína í hópnum eftir lokatónleikana

Smá
Flipp

Add to My Profile | More Videos

Brynja að slaka á með súrefniskútinn góða

En nú erum við að leggja af stað í langt ferðalag heim til fagra Íslands.
Túrastandinu er þó alls ekki lokið. Langt í frá.
Eftir rúmar tvær vikur förum við aftur út og spilum í Mexíkó, LA og Las Vegas.
Eftir það fáum við gott jólafrí og um miðjan janúar höldum við til Ástralíu og Asíu.

Góðar stundir

Kólumbía

2007-11-17T08:20:00.000-08:00

Eftir stuttan stans og eina tónleika í Perú, erum við komin til Bogotá í Kólumbíu.
Í kvöld verða síðustu tónleikar okkar á þessum túr, og tekur við tveggja sólahringa langt ferðalag heim.
En hvað sem því líður þá eru hérna nokkrar myndir.

Í Perú gafst ekki tími til þess að fara til Inca-borgarinnar Machu Picchu, svo við létum súkkulaði-Machu Picchu duga

Á leiðinni frá Perú til Kólumbíu var fjögurra og hálfs tíma seinkun á fluginu, sem er ekki óalgengt í S-Ameríku.
Margt var til gamans gert til að drepa tímann:

Særún og Harpa fóru í flugvallarnudd

Ég fékk mér Inca-Kóla með tyggjóbragði

Sigrún skemmti okkur með bambus-saxófónleik

Í Bogotá fórum við í smá túristaleik

Við fórum á markað þar sem hlegið var að okkur sökum norræns útlits

Í fyrrakvöld fórum við á mikinn stuðstað þar sem kvöldið endar iðulega á því að allir dansa uppá borðum. Við fórum ekki varhluta af því.

Ekki vantaði skreytingarnar þar á bæ

Númi fékk óvæntan glaðning tilefni þess að hann á afmæli í janúar næstkomandi

Að chilla í Chile

2007-11-10T13:08:00.000-08:00

Já, titilinn hér að ofan er með sanni réttur.
Nú erum við í Santiago í Chile, hér er vorveður, fremur kalt, enda erum við í 500 metra hæð yfir sjávarmáli.
Með hverjum deginum verð ég æ þakklátari fyrir að vera ekki ljóshærð, því blondínurnar í hópnum hafa átt undir högg sækja gagnvart Chile-búum sem hrópa í sífellu að þeim ókvæðisorðum út á götu, og urðu sumar að hylja hár sitt í gærkveldi, svo mikill var ágangurinn.

En annars erum við að fara að spila á eftir á fótboltavelli fyrir 10.000 manns, það verður væntanlega feiknastuð.
Það verður samt öðruvísi en áður, Jónas verður því miður ekki með, en hann þurfti að fara heim í fyrradag vegna fjölskyldumála.

Á leiðinni til Chile flugum við yfir hin margfrægu Andes-fjöll

Finnið eina villu

Særún varð mjög hlessa yfir gjöfum frá aðdáanda

Í gærkvöldi fórum við á tónleika með trommaranum okkar, Chris Corsano.
Hann var magnaður.

Þarna munum við spila á eftir

Súkkulaðigosbrunnurinn baksviðs

Stuð í hljóðprufu

Stuð í Argentínu

2007-11-07T08:10:00.000-08:00

Á sunnudaginn spiluðum við á tónleikum í Gran Rex Theatre hér í Buenos Aires. Í kvöld spilum aftur á sama stað.

Damian leikur á Reactable í hljóðprufunni
Gran Rex Theatre rúmar um 3600 manns

Eilítið stemmningsbrot af Human Behaviour æfingu
Human

Add to My Profile | More Videos

Helgi Steinar og Ástríður voru í stuði eftir tónleikana
Daginn eftir eða á mánudaginn fórum við í Palermo Soho-hverfið að kaupa okkur jólaspariskó og fórum einnig í japanskan lystigarð
Um kveldið fórum við síðan í ekta tangó-félagsheimili, þar sem fólk kemur og dansar hægan tangó eins og sjá má í myndbrotinu hér að neðan
tango

Add to My Profile | More Videos

Í gærkvöldi fórum við á alvöru argentískt steikhús
En sökum tungumálaörðuleika var steikin hennar Hörpu fremur ólystugar sauðagarnir

Vikublogg

2007-11-04T06:19:00.000-08:00

Nú erum við komin til Buenos Aires í Argentínu.
Það sem ég hef séð af Buenos Aires er afar snoturt, og finnst mér hótelhverfið okkar vera sambland af Kaupmannahöfn og San Fransisco, eins undarlega og það kann að vera.
Þrjár tónlistarhátíðir í Brasilíu eru að baki, en í kvöld verða fyrstu einkatónleikar okkar á þessum túr.

Í Sao Paulo spiluðum við við hliðina á kjötkveðjuhátíðar-braut

Særún að grína

Gleðisveitin Spank Rock spiluðu á undan okkur í Sao Paulo

Í Brasilíu heitir bjórinn Skol

Túristar í Buenos Aires

Í Argentínu á fólk það til að bresta í ástríðufullan tangódans á götum úti

TIM Festivalið í Rio

2007-10-27T17:08:00.000-07:00

Í gær spiluðum við á TIM festivalinu í Rio De Janiero.
Það gekk nú ekki slysalaust fyrir sig.
Í fyrsta lagi var engin hljóðprufa vegna þess að sviðið var rafmagnslaust á þeim tíma sem hljóðprufan átti að vera.
Ég týndi málmstykki úr trompetinum mínum, sem er fremur ergilegt,
svo rétt áður en við áttum að stíga á svið uppgötvuðu ég og Sigrún að við höfðum steingleymt að fara í fánavestin innan undir búningana og þurftum því að hlaupa tilbaka inn í búningsherbergi, og fórum másandi upp á svið.
Þegar á sviðið var komið kom í ljós að þráðlausi hljóðneminn minn var ónýtur sem gerði það að verkum að í hvert skipti sem ég hreyfði mig eða blés í lúðurinn kom mikið og hátt óhljóð sem minnti einna helst á þrumugný.
Þurfti því hljóðnemamaðurinn að hlaupa til og vesenast í öllum brass-stelpunum til að finna út hver væri með ónýta hljóðnemann og skipta um svo lítið bæri á.
Þegar tónleikunum lauk lenti Production-Manager-inn okkar í því óhappi að setja höndina inní stóra viftu sem er alltaf fremst á sviðinu, svo að hluti af
vinstri löngutöng fór nánast af og varð hann að dvelja á brasilískum spítala í nótt.
En þrátt fyrir hrakfarir skemmtum við okkur vel, og erum nú komin til Sao Paulo, en við spilum aftur á TIM festivalinu hér í borg á morgun.

Við fórum í túristaferð uppá Corcovado-fjall að sjá hina margfrægu Jesú-styttu

Brynja að grína

Útsýnið er ekki slæmt uppi á Corcovado

Wonderbrass-hópurinn var í miklum ham eftir tónleikana (það vantar samt Sigrúnu eldri á myndina)

Gael Garcia Bernal sagðist vera hrærður yfir nærveru okkar, og það vorum við Særún líka, eins og sjá má

Við komumst í hann krappan þegar við fundum tímarit frá Fróða á flugvellinum í Rio

Svona lítur huggulega hótelherbergið mitt út hér í Sao Paulo

Svona eru hins vegar hrörlegar vistarverur nágranna okkar við hliðina á fína hótelinu

Rigning í Rio

2007-10-24T16:53:00.000-07:00

Nú erum við sumsé komin eftir langt og strangt ferðalag til Rio De Janiero í Brasilíu.
Eins og sönnum Íslendingum sæmir komum við með skítaveðrið með okkur til Rio, en það fór að rigna um svipað leyti og við lentum, og á að rigna mest allan tímann sem við dveljum hér í Rio.
Við létum veðrið þó ekki aftra okkur, heldur fórum í gær í City of God fátækrahverfið sem er í hlíðunum rétt fyrir ofan hótelið okkar.
Það var magnað að sjá hvað fólk getur gert úr litlu sem engu fjármagni, og fórum við m.a. í skóla þar sem krakkar læra dans, söng, leiklist og kvikmyndagerð.
Skólastjórinn sagði okkur að þeir sem færu ekki í skólann enduðu iðulega sem dópsalar og/eða morðingjar.
Við fórum í fylgd með Claudie sem er brasilísk og þekkir vel til í hverfinu, en hún vann m.a. við kvikmyndina City of God, og hittum við einmitt einn aðalleikara myndarinnar í listaskólanum.

Í City of God búa um 30 þús manns

Brasilískur kórsöngur

Ströndin sem tilheyrir hótelinu okkar

Fátækrahverfið fyrir ofan hótelið

En í kvöld förum við í sándtékk fyrir TIM festivalið sem er á morgun.
Það verður fjör.

S-Ameríka

2007-10-19T07:24:00.000-07:00

Nú fer að styttast í brottför, en við höldum til S-Ameríku snemma á þriðjudaginn.
Fyrsti viðkomustaður okkar er Brasilía, en við munum spila á TIM festivalinu í Rio de Janiero, Sao Paolo og í Curitiba. Þaðan förum við til Argentinu, Chile, Perú og endum í Kólumbíu.
Það verður heilmikið flandur á okkur, en á tæpum 4 vikum munum við fara í hvorki meira né minna en 13 flug.
Því verður ekki neitað að ég sé að verða ansi spennt yfir för okkar þarna niðureftir, en líka eilítið kvíðin.
Það sem ég kvíði þó einna mest er að fá einhver illindi í magann, því við þurfum þrátt fyrir allt glens að spila á tvennum tónleikum í hverri viku.
En maður er sosum búin að láta bólusetja sig fyrir öllu sem hægt er að bólusetja mann fyrir, svo nú ætti mér óhætt að vera bitin af sjúkum hundi, fá gulu-sóttina og að gista í skógum Amazons ef það ber undir.

En í næstu viku ætla ég að baða mig á þessari strönd:

Ísland

2007-09-29T11:41:00.000-07:00

Nú erum við aftur komnar heim. Það er sosum ágætt eftir 6 vikna ferðalag með tilheyrandi þvælingi, en samt sem áður er ég ekki frá því að ég sakni hópsins nú þegar. Þetta var án efa skemmtilegasti túrinn til þessa, en það styttist í næsta hluta þar sem við förum til S-Ameríku eftir 3 vikur. Spennó.

Á fimmtudaginn spiluðum Wanderlust í Conan O´Brien sem var very næs.
Hér má sjá frmmistöðu okkar:

Sigrún og Chris fyrir framan NBC studíóið

Conan hljóðprufa

Ég stalst til að smella af rétt fyrir upptöku

Eftir Conan var haldið tryllt grímupartý með þjóðbúningaþema.

Thelma og Harpa voru frá landi the non-existance

Mark Bell leit kunnuglega út

Sigrún var hins vegar óþekkjanleg

Wonderwoman og Claudia Wunderbar eru ágætis vinkonur

Claudia kom með bræður sína alla leið frá Insbruck

Madison Square Garden

2007-09-25T21:10:00.000-07:00

Í gær spiluðum við í hinu stóra Madison Square Garden.
Það var magnað að standa á þvílíkum leikvelli sem salurinn er, en um 20 þús manns voru í sætum og mátti maður sjá áhorfendur lengst uppí rjáfur.
Eftir tónleikana var tryllt eftirpartý og fór dagurinn í dag í að súpa seiðið af gleðskap gærkvöldsins.

Svolítið stór salur

Mark, Chris og Damian í dýrðarljóma

Sviðið séð ofanfrá

Hello cuties

Við fengum nýmóðins hárskraut

Erla, Særún og ég svifum á bleiku skýi

Fyrr í kvöld fórum við að sjá Charels Mingus Big Band sem var feitt

Montreal og New York

2007-09-23T20:34:00.000-07:00

Það má segja að það hafi ýmislegt á daga okkar drifið.
Á fimmtudaginn var fórum við á fjöruga tónleika með Beastie Boys í Montreal. Þeir voru ansi hressir á sviðinu og voru einnig svo dúllulegir að bjóða okkur að hanga með sér eftir tónleikana sem var nú ekki svo slæmt.

Smekklegir Beastie Boys

Daginn eftir spiluðum við í Jacques Cartier Pier þar sem við spiluðum í fyrsta sinn með sendimæka sem gerir okkur kleift að valsa spilandi um sviðið.
Við stóðum því fremst á sviðinu hjá Björk í Anchor Song, Oceania og Declare Independence sem má sjá hér að neðan:

Ekki vissi ég að RÚV væri með útibú í Montreal

Við fengum nýja Wonderbrass-fimleikagalla sem Bernhard Wilhelm hannaði

Núna erum við hins vegar komin til New York.
Framundan eru mjög stórir tónleikar á morgun (mánudag) í Madison Square Garden og sjónvarpsupptaka á fimmtudaginn fyrir skemmtiþáttinn Conan O´Brien. Þess á milli munum við eyða tíma okkar í stórbrotnum verslunum borgarinnar og í almenn skemmtilegheit.

Harpa í flippaða hótel-innganginum

Okkur til mikillar gleði fundum við íslenskt Síríus-súkkulaði og skyr.is í Whole Foods

Af nýjum búningum og fleiru

2007-09-20T15:48:00.000-07:00

Á mánudaginn spiluðum við í Fox Theatre í Atlanta.
Á þeim tónleikum bar það til tíðinda að vorum við glænýjum búningum eftir fatahönnuðinn knáa, Bernhard Willhelm.
Má segja að nýju búnignarnir séu allt öðruvísi en forverar þeirra.
Þeir eru allir samskonar og eru saumaðir úr mjúku silki sem gerir okkur ekki eins miklar um okkur og fyrir vikið lítum við út fyrir að vera mun penari og rassminni.

Í tilefni af nýjum búningum fengum við einnig nýtt make-up

Eins og sjá má var mikil gleði í Atlanta

Núna erum við aftur komin til Kanada, eða til Montreal.
Það eru tónleikar á morgun, en í kvöld ætlar hópurinn að skella sér á Beastie Boys uppákomu.
Valdís Þorkelsdóttir

Dazed and Confused

2007-09-16T19:53:00.000-07:00

Í ágúst fórum við í ljósmyndatöku við Kleifarvatn fyrir tónlistartímaritið Dazed and Confused. Það tímarit á víst að vera komið út, og geta því áhugasamir flett því lauslega í næstu bókabúð og séð fremur góðar myndir af okkur og enn betra viðtal við Björk.
Ég birti einnig hér nokkrar myndir sem ég tók frá þessum kalda og blauta síðsumarsdegi:

Það var hellað kalt eins og sjá má á svip stúlknanna

Kuldagalli og öfugar regnhlífar

Sumir settu sig í sérstakan módelgír

Texas

2007-09-15T13:11:00.000-07:00

Í gær spiluðum við sumsé á Austin City Limits festivalinu í Texas.
Það voru dúndurtónleikar þrátt fyrir mikið flugu- og skordýrafár á sviðinu sem varð þess valdandi að oft þurfti maður að stíga einkennileg auka-dansspor til þess að hrista af sér ógurlegar engisprettur og aðra óvelkomna skriðgesti.
Í lok tónleikanna fyrir aukalögin tvö varð uppi fótur og fit þegar upp kom eldur í sviðshátalara vegna gífurlegs hita.
Sem betur fer varð engum meint af, og eftir að slökkt hafði verið í eldinum skunduðum við aftur á svið eins og ekkert hefði í skorist.
Í dag dveljum við í Jackson, þar sem lítið er við að vera, og eru allir veitingastaðir í nágrenninu lokaðir þrátt fyrir að það sé laugardagur.
Í staðinn höfum við verið að þvo af okkur spjarirnar og liggja í sólbaði við sundlaugina sem er á þaki hótelsins. Voða næs.
Í nótt keyrum við síðan til Atlanda, en við spilum þar á mánudaginn í Fox Theatre þar í bæ.
Bæ.

Bergrún og Sylvía í stuði í Texas

Litla Turtle-dúfan

Fingralipu fléttararnir

Síðan tók Særún eitt af sínum frægu gítarsólóum

Bloggséns

2007-09-14T12:27:00.000-07:00

Á þriðjudaginn spiluðum við á huggulegum tónleikum í Fox Theatre í Detroit.
Þetta voru fyrstu inni-tónleikar okkar í lengri tíma, sem er sosum ágætis tilbreyting.
Núna erum við hins vegar komin alla leið til Austin í Texas. En við munum spila á Austin City Limits festivalinu í kvöld.
Hér er hátt í 35 stiga hiti og má segja að mannskapurinn sé gersamlega að leka niður, en ég myndi segja að þetta væri fín æfing fyrir S-Ameríkutúrinn núna í október.

Í Detroit beið Hörpu gjöf frá leynilegum aðdáanda af Reykjanesi

Fox Theatre salurinn var ekki svo slæmur

Í andyrinu mátti finna þetta ágæta orgel

Við tókum smá túristapósu fyrir utan

Toronto

2007-09-08T11:22:00.000-07:00

Nú erum við búin með Evrópu í bili og erum komin alla leið til Toronto í Kanada.
Í kvöld spilum við á Virgin festivalinu sem er staðsett á fallegri eyju rétt við Toronto.
Það má segja að verslunarstuðið hafi hellst yfir mann um leið og við lentum vestanhafs. Kaupæðið hefur verið svo mikið að einn haukfrár papparazzi-ljósmyndari ruglaði Særúnu horn saman við verslunardrottninguna Paris Hilton, sem dvelst einnig á hótelinu okkar.

Paris Hilton?

Ég hitti á þennan í London

Það er fáránlega mikið stuð í Toronto

Listræn útsýnismynd

Wonderbrass-ljóskurnar

Tríó

Frá Virgin-hljóðprufunni í gærkvöldi

Harpa tók sóló

Stóra-Bretland

2007-09-02T07:52:00.000-07:00

Undanfarna viku höfum við komið víða við.
Eftir rómantíska Parísarhelgi þar sem við spiluðum m.a. á Rock en Seine festivalinu, dvöldum við í London þar sem mikið var brallað.
Eftir það lá leið okkar til Írlands, þar sem við gistum á voða fínu golf/spa hóteli.
Ég og herbergisfélagi minn, Björk trompet, uðrum svo lánsamar að fá svítuna sem var ekkert slor.
Eitthvað grunar mig þó að hótlestjórinn hafi ætlað hinni Björkinni svítuna.
Við spiluðum á Electric Picnic festivalinu á Írlandi á föstudaginn, en nú er ég sem stendur á Connect festivalinu hér á Skotlandi.

Myndir frá ýmsum stöðum:

Ég náði að standa akkúrat í miðjunni undir Eiffelturninum

Pörupiltarnir Kings of Leon spiluðu á Rock en Seine festivalinu í París

Það soldið stuð á Electric Picnik á Írlandi

Ég þarf alltaf vera eins og allar hinar

Til gamans

2007-08-26T07:26:00.000-07:00

Hér að neðan má sjá myndskeið sem Jónas tók af okkur marsera við "Brennið þið vitar" á fimmtudaginn var.

Sviðsmyndir

2007-08-24T13:56:00.000-07:00

Í gær voru seinni tónleikar okkar í Arenunni í Nimes.
Þeir voru með allt öðru sniði en tónleikarnir á þriðjudaginn, og var sú nýbreytni höfð að við brasspíurnar marseruðum inn á sviðið í upphafi tónleika, spilandi “Brennið þið vitar”.
Ég held það gerist ekki þjóðlegra.

Brynja og Arenan

M.I.A. litla hitaði aftur upp

Ég gerðist svo kræf að taka myndavélina með upp á sviðið og má sjá afraksturinn hér að neðan:

Ekki voru allir jafn stressaðir

Stelpurnar voru í neonstuði

Salurinn þegar sviðið ljómaði af eldglæringum

Jónas og Björk flytja Vökuró

Arenan í Nimes, Frakklandi

2007-08-22T13:55:00.000-07:00

Í gærkveldi hófst þriðji hluti heimstúrsins með tónleikum í gömlu hringleikjahúsi í Nimes í Frakklandi.
Það var hin pena M.I.A. sem hitaði liðið upp, en henni hefur heldur betur tekist vel til því að þegar kom að okkur var stemmarinn þvílíkur að lætin í áhorfendunum minntu einna helst á fótboltaleik, og mátti sjá ófáar bylgjur bylgjast meðal áhorfendurna.
Á morgun verða aftur tónleikar á sama stað á sama tíma.
Annars er allt gott að frétta, og má segja að framundan sé mikið spilerí og mikil gleði.

Gengið inn í Arenuna

Allir í stöði

Svona notar Damian Reactable í miklum hita
A

B

C

Það er alltaf allt að gerast baksviðs

Andrea bauð uppá karla-farða

Ég er heldur sátt við útsýnið út um hótelherbergisgluggann minn

Á túr í þriðja sinn

2007-08-14T08:47:00.000-07:00

Á sunnudaginn kemur höldum við enn og aftur út á galeiðuna.
Það verður komið víða við á þessum 6 vikna túr.
Við byrjum í Frakklandi og þaðan liggur leiðin til Englands, Írlands og Skotlands.
Eftir það förum við til Kanada, síðan verður túrað um USA, aftur til Kanada og endum við í hinni óborganlegu New York.

Smá auka auka:
Annars vegar er hér mynd sem Brantley, ljósmyndarinn knái, tók á Coachella. Ég tek það fram að á henni má einungis finna 9/10 hluta brassgengisins.

Hins vegar má sjá eina af fjölmörgu myndum sem stelpurnar í Gjörningaklúbbnum tóku snemmendis í vor.

Ljósmyndataka við Kleifarvatn

2007-08-10T10:10:00.000-07:00

Á fimmtudaginn var fórum við í ljósmyndatöku fyrir fremur þekkt erlent tónlistartímarit.
Myndatakan fór fram við Kleifarvatn og ekki lét íslenska veðurblíðan sjá sig.
Um leið og við mættum á svæðið kom smá skúr, á meðan við vorum sminkaðar var rigning og þegar við fórum í búningana var komin hellidemba og rok.
Eftir fyrstu tökuna mátti sjá maskara niður á kinnar og fallegu búningana okkar útataða í blautum sandi.
Þrátt fyrir veðurofsann var þetta nú samt ansi skemmtileg og sérstök lífsreynsla, þó svo að ég held að við verðum nú ekki beint sætar á þessum myndum með rok og rigningu beint í andlitinu.
Sökum þess að myndatakan ku vera ansi "exclusive" mun ég ekki birta myndir frá þessum degi.

Annars styttist í Túr#3, en við förum aftur út sunnudaginn 19. ágúst.
Fyrir mína parta er ég að verða ansi spennt fyrir komandi giggum.

Kv. Valdís

Wonderbrass og Arcade Fire

2007-08-01T08:11:00.000-07:00

Ef vel er að gáð má sjá okkur spila með líflega fólkinu í Arcade Fire.

Paleo festivalið í Sviss

2007-07-27T09:11:00.000-07:00

Á miðvikudaginn spiluðum við á Paleo festivalinu í Nyon í Sviss.
Það var heljarinnar stöð.
Arcade Fire voru að spila á undan okkur og vildu þau endilega fá okkur brasspíurnar til að spila með í lokalaginu þeirra "Wake Up". Það var nú ekkert svo leiðinlegt.
En nú er öðrum hluta túrsins lokið, þ.e.a.s. Evrópuhlutanum, og erum við í þriggja vikna fríi þar til næsti túr tekur við.

Læt hér fylgja nokkrar myndir úr liðinni viku:

Sylvía, Bergrún og ég að túristast aðeins í Genf

Spilað í gegnum glugga

Söngvarinn í Arcade Fire kennir okkur laglínuna góðu

Systir Napoleon Dynamite hékk aðeins með okkur

Við dressuðum okkur upp áður en við spilðum með AF

Særún fléttaði Sigrúnu eins og hún ætti lífið að leysa

En nú er ég sumsé komin heim sem er ansi notalegt.

Góðar stundir,
Valdís

Udine á Ítalíu

2007-07-25T08:11:00.000-07:00

Á laugardaginn var spiluðum við í smábænum Udine á Ítalíu. Það var nú gaman.

Snotur tónleikastaður

Chris, Mark og Damian að grína

Margt er sér til gamans gert meðan beðið er eftir hljóðprufu

Svona finnst mér þægilegast að syngja í hljóðnemann

Ghostigital fer yfir lagalistann

Við fögnum nýju make-uppi

Kobbi Fil mætti og var í stuði

Undafarna daga höfum við verið í Genf í Sviss því að nú á eftir munum við spila á Paelo festivalinu hér í Nyon.
Á morgun förum við svo rakleiðis heim til fagra Íslands. Það verður fjör.

Madrid

2007-07-19T09:52:00.000-07:00

Í gær voru tónleikar í Plaza de Toros Las Verntas, sem er víst aðal nautaatshringurinn í Madrid.
Svitamet var slegið í hljóðprufunni, en hitinn fór upp í 44 stig, og mátti maður prísa sig sælan að hafa sloppið við sólsting.
Þrátt fyrir mikið svitakóf var gríðarleg stemmning á tónleikunum, og fá Spánverjar fyrstu verðlaun sem líflegustu áhorfendurnir til þessa. Það var tekið undir í nær öllum lögunum og mátti sjá taktfastar hendur á lofti í stuðhitturunum.

Nautaatshringurinn séður frá mínu sjónarhorni

Chris og Mark að deyja úr hita

Særún er litla horndúllan

Ég kann líka að taka artí myndir

Stigið út úr hringnum

Sumir mættu fyrr á svæðið en aðrir

Ég, Sigrún, Bergrún og Harpa að slaka á rétt fyrir tónleika

Sigrún og Hulda voru í miklu stuði

Tónleikatimburmannadeginum í dag var varið við sundlaugarbakka á hóteli í Marseillle í Frakklandi. Voða næs.

Góðar stundir,
Valdís Þorkelsdóttir

Segovia

2007-07-16T10:21:00.000-07:00

Í gærkveldi spiluðum við í Segovia sem er skammt utan við Madrid.
Tónleikarnir voru úti við glæsilegan herragarð/höll sem heitir Palacio Real.
Áhorfendurnir voru einungis um 1200 manns, en það gerði upplifunina miklu nánari og gat maður heyrt í fólkinu syngja með í stuðlögunum.

Wonderbrass að hita sig upp

Hér má sjá krúttlegu áhorfendasætin

Andrea sminkar Hörpu

Stelpurnar að koma sér í stuð fyrir tónleikana

Fréttir og veður

2007-07-15T06:00:00.000-07:00

Nýjustu Bjarkarfregnir herma að við munum spila í Madison Square Garden í New York í september!!!
Það er eiginlega einum of feheitt.

Annars er ég búin að hlaða inn öllum myndunum frá Ameríkutúrnum á myndasíðuna mína (linkinn á hana má sjá hér til hægri) og myndir úr Evrópureisunni eru væntanlegar á næstu dögum.

Úti er sól og sumarylur.
Blæ
Valdís

Á Spáni

2007-07-14T06:17:00.000-07:00

Núna erum við á Spáni, sem er afar notalegt.
Á mánudaginn vorum við í Frakklandi á golf/spa-stað, þar sem við áttum að hvíla okkur og safna orku. Það var nú ekki mikið um að vera þar, en við fórum hins vegar í vínsmökkun á Chateau Margaux, sem er skv. föður Brynju túbu annar flottasti vínbúgarður á öllu Frakklandi. Það munar ekki um það.

Sumar gengu á lagið í vínsmökkuninni

Stelpurnar eru kúltúrveraðar

Í gær spiluðum við á tónleikum við Guggenheim safnið í Bilbao hér á Spáni.

Þessi stóð vörð fyrir utan safnið

Allt að gjörast í hljóðprufu

Spánverjarnir mættu frekar snemma á svæðið

Í morgun komum við til Madrid, en við erum með tónleika á morgun í Segovia sem er í næsta nágrenni. Meira um það síðar.

Dansað á dekki

2007-07-09T15:56:00.000-07:00

Margt hefur á daga okkar drifið.
Roskilde var rosalegt drulluævintýri. Það er mér hulin ráðgáta hvernig fólk fór að því að dvelja þar yfir helgina. Þrátt fyrir vonskuveður var stemmningin góð, og var mikið stuð á liðinu eftir tónleikana.

Þessar voru voða penar í forinni

Við spiluðum í Orange tjaldinu

Þessir voru frekar góðir á því

Um helgina vorum við í Amsterdam, en við spiluðum á útitónleikum í Wester Park á sunnudaginn.

Slakað á í rauða hverfinu

Fjör í hljóðprufu

Eftirpartýið fór fram í 2 bátum og fólk var mikið að dansa uppá dekki, en þessi herramaður kaus að sötra bjór.

Pólski

2007-07-02T04:29:00.000-07:00

Í gær spilðum við á Open´er Heineken hátíðinni sem er staðsett á gömlum pólskum herflugvelli.
Þetta voru dúndurtónleikar, það sannaðist að Pólverjar kunna sko að skemmta sér og vera í stöði.
Undir lok tónleikanna var fílingurinn svo mikill á okkur, að fáninn á búningnum mínum þaut af, og varð ég því að flagga prikinu í lokin á Declare Independence.

Í dag líkur dvöl okkar í Póllandi, en við höfum dvalið í heilsubænum Sopot.
Þetta er afskaplega notalegur bær, með strönd og alles.
Þykir mér sérstakt hversu öryggisgæslan er mikil hér í Póllandi.
Það eru lífverðir á hótelgöngunum og í lobbýinu allan sólarhringinn, og við keyrðum í gær á festivalið í lögreglufylgd.
Síðar í dag munum við síðan fara til Danmerkur, en við spilum á Hróarskeldu á fimmtudaginn. Víhú.
Dagurinn í dag fer því aðallega í að dusta rykið af dönskunni og fjárfesta í pólskum vodka.

Það var ekkert svo hlýtt á ströndinni

Í lögreglufylgd

Í þessu flugskýli var haldið reif

Sviðið sem við spiluðum á

Bloc party

Bloc party áhangendur

Allt að gerast korteri fyrir tónleika

Rock Werchter

2007-06-29T10:49:00.000-07:00

Í gær spiluðum við á Rock Werchter Festivalinu í Belgíu.
Þetta var í fyrsta skipti sem við brasspíurnar spiluðum á tónleikum, nótnalaust.
Það fór nett stresstilfinning um mann rétt áður en við stigum á svið, ég hafði nú aðallega áhyggjur af því hvert maður ætti að líta ef maður skyldi nú verða eitthvað nörvus á sviðinu. Hingað til hefur maður getað skýlt sig á bak við nóturnar ef eitthvað kemur uppá.
En spilerí okkar heppnaðist ótrúlega vel, miðað við allt saman og þykir mér tvímælalaust margfalt betra að spila nótnalaust. Jibbí.

Erla fer yfir nótur fyrir tónleika

Smá sýnishorn af áhorfendunum

Annars tékkuðum við á Marilyn Manson sem spilaði á undan okkur. Ég varð nú hálf smeyk við það skrýpi, hann var með öfluga sviðsstæla, en hann lét hljóðnemann fljúga í átt að eymingja hljóðmönnunum þegar hann vantaði nýjan. Á miðjum tónleikunum settist hann síðan bakvið settið og fékk sér vænan slurk af súrefni úr súrefniskút og bætti aðeins á varalitinn. Frekar spes.

Marilyn að tékka á súrefniskútnum

Eftir tónleikana okkar spiluðu Muse. Við fylgdumst að sjálfsögðu með baksviðs.

Muse voru með tylft af auka rafmagnsbössum og-gíturum sem þeir skiptu út

Damien, Særún, ég og Bob mónitoramaður

Nokkuð um afdrif

2007-06-28T09:46:00.000-07:00

Það er allt í góðu með okkur.
Síðustu viku eyddum við í London, tókum upp nokkur lög í hljóðveri, og erum núna sem stendur í Belgíu.
Þar erum við búnar að vera að slaka á, borða belgískar vöfflur og versla aðeins (!).
Það var mikið stuð í hljóðverinu

Chris mundar kjuðana

Fjör í Brussel

Þessar voru dömulegar við vöffluátið

Í dag fórum við í fyrsta skiptið í rútuna okkar. Hún er eiginlega alveg eins og Ameríku-túra-rútan nema bara miklu stærri og flottari.

Drullusvaðið Glastonbury

2007-06-23T13:44:00.000-07:00

Í gær speluðum við á Glastonbury.
Það var mögnuð og drullug upplifun.

Ekki vildi ég nú vera þarna á sunnudaginn, það var allt á floti strax í gær.

Tjaldsvæðin voru þéttskipuð

Þessir vildu ólmir fá að faðma okkur

Nauðsynlegur skóbúnaður

Á þessu sviði spiluðum við síðar um kvöldið

Ég missti mig í öllum súkkulaðibúðingnum

Evróputúr

2007-06-20T10:14:00.000-07:00

Það kom að því.
Eftir viðburðaríkt frí á Íslandi er nú komið að Evróputúrnum.
Þetta verður 5 vikna túr og munum við reka inn fæti í 10 Evrópulöndum.
Við leggjum í hann á morgun, en við spilum á Glastonbury-hátíðinni á Englandi á föstudaginn.
Mun ég því á næstu vikum gera grein fyrir ferðum okkar að nýju, ásamt því að henda inn stuðmyndum.

Góðar stundir,
Valdís Þorkelsdóttir

Sjónvarpsframkoma

2007-06-12T11:26:00.000-07:00

Hér fyrir neðan má sjá þau lög sem við fluttum í Jools Holland þættinum í síðustu viku:

Anchor Song

Declare Independence

Earth Intruders

Heather won´t feed him

2007-06-06T14:05:00.000-07:00

Nú er ég komin heim eftir notalega dvöl í Kaupmannahöfn og London, og verð heima næstu tvær vikurnar eða svo.
Í gær spiluðum við í hinum margrómaða sjónvarpsþætti Later with Jools Holland.
Það sem stóð uppúr þáttöku okkar í þeim þætti var án efa viðvera goðsagnarinnar Paul McCartneys. Hann var fremur prúðmannlegur, enda sómamaður mikill, og vildi endilega fá að prófa að blása í trompetinn minn. Ég sagði nú ekki nei við því.
Reyndar varð ég í fyrsta skipti alvarlega "starstrucked", og átti erfitt með svefn í nótt sökum stjörnulosts. Ég tísti eins og smástelpa þegar hann talaði við mig, og þrátt fyrir að hann talaði skýra ensku náði ég varla því sem hann sagði, í þvílíku ástandi var ég.
Við þurftum að bíða í tónlistarsettinu okkar eftir hljóðprufunni, en þá settist Paul við flygilinn í tónlistarsettinu sem var beint á móti og flutti rétt sisona "Lady Madonna". Ég fór næstum því að skæla.
Þátturinn rúllaði síðan í gegn, eins og um beina útsendigu væri að ræða, en við vorum einungis eitt bandið af sjö.
Herlegheitin fara síðan í loftið núna á föstudaginn.

Harpa stalst til að taka nokkrar myndir:

Paul að spila ásamt bandinu sínu í Jools Holland tónlistarsettinu

Paul að setja sig í stellingar

Í Tívolíinu í Köben fór ég á Big-band tónleika, en varð að fara því að þessi blasti við fyrir framan okkur og ég gat ekki hætt að hlæja:

Heima

2007-05-30T10:39:00.000-07:00

Það er gott að vera komin heim, þó ég sé nú að fara aftur út á morgun.
Ég er búin að sinna skyldum mínum sem ferðalangur og heilsa upp á samstarfsfólkið á RÚV, fá mér pylsu og kókómjólk í sjoppu, drekka mikið íslenskt vatn, pakka upp úr töskunum (og reyndar niður í eina aftur) og vera bara heima að snúllast.
Það sem kemur mér mest á óvart er hversu erfitt það er að venja sig af því að henda notuðum handklæðum á baðherbergisgólfið, búa sjálf um rúmið og að íslenskar klósettskálar séu beinar niður, en ekki með flata skál eins og tíðkast í Ameríkunni.

Síðustu dagana hefur maður líka verið að melta þessa stórkostlegu ferð, og það fer fiðringur um mann þegar maður hugsar til þess að þetta sé bara byrjunin.

Sylvía á heiðurinn af mynd ferðarinnar:

Hér má sjá okkur flytja "I Miss You" núna á laugardaginn á Sasquatch festivalinu

Góðar stundir,
Valdís

Ferðalok

2007-05-28T12:04:00.000-07:00

Nú er fyrsti túrinn á enda.
Ég verð nú ekkert svo lengi heima, einungis í 3 daga, af því að næstkomandi fimmtudag fer ég í helgarferð til Kaupmannahafnar.
Daginn eftir það fer ég til Lon og Don að spila í Jools Holland sjónvarpsþættinum, þar sem enginn annar en Paul McCartney er aðalgestur.
Ef ég hitti goðið væri sniðugt að segja við hann: "Hey Jude, yesterday it was a hard days night. Because I wanna hold your hand when you´re sixty-four".
En síðan tekur við ca. 2 vikna frí áður en við höldum af stað í 5 vikna túr um Evrópu. Það má því segja að það sé allt að gjörast.

Við spiluðum á Sasquatch-hátíðinni á laugardaginn.
Búningsherbergið okkar var staðsett beint fyrir aftan aðalsviðið og fengum við stemmninguna beint í æð þegar Manu Chao og vinir okkar í Arcade Fire spiluðu.
Það var ansi mikið stuð að spila á hátíðinni, við misstum okkur gjörsamlega í lokalögunum með þeim afleiðingum að fáninn minn lenti í andlitinu á Sylvíu, og nokkur statív og míkrafónn enduðu lárétt á gólfinu.

Rock the boat

2007-05-21T00:59:00.000-07:00

Í dag vorum við í Eugene, Oregon.
Í stað þess að eyða deginum uppá hótelherbergi eða í Macy´s var farin hópferð í alvöru River-rafting í McKenzie-ánni.
Það var frekar mikið fjör í fallegu umhverfi en umhverfis ánna var skógur og þar mátti sjá rómantísk sumarhús.

Hér er Podcast-viðtal við Brynju túbu, Sigrúnu básúnu og Hörpu básúnu.
Takið eftir myndbrotinu af okkur á ca 3:20. Getur einhver sagt mér hvað ég var eiginlega að pæla?

Túri-búri

2007-05-20T00:36:00.000-07:00

Nú er einungis rúm vika eftir af fyrsta túrnum og tvennir tónleikar.
Þrátt fyrir að oft á tíðum hugsi maður heim í heiðardalinn hefur ferðalag okkar einkennst af almennilegheitum, frábæru starfsliði í kringum allt þetta stóra batterí, húmor og miklu stuði.
Eftir að við fórum í rúturnar hefur tíminn verið ansi fljótur að líða, maður veit ekki fyrr en maður er kominn þvert yfir Ameríku á nokkrum dögum og það er ósjaldan sem maður hefur spurt sig síðustu daga: Á hvaða hæð er aftur hótelherbergið? Hvert förum við á morgun? Hvernig komst ég hingað? Hvar er ég? Hver er ég?
En annars gengur allt í haginn, við vorum að enda við að klára tónleika í Shoreline Amphitheatre, San Fransisco.
Þetta voru fyrstu tónleikarnir þar sem ég var nánast ekkert stressuð. En það getur stafað af því að við erum búin að spila að meðaltali á þrennum tónleikum í viku, og erum að verða heldur sjóuð í því.

Einar Örn mundar lúðurinn

Shoreline Amphitheatre

Svo var farið í Twister

Sigrún er ansi liðug

Við fögnuðum nýjum búningum

Litla górillan

Reno og San Fransisco

2007-05-19T16:40:00.000-07:00

Í fyrradag vorum við í Reno, á mjög fyndnu hóteli sem er risastórt spilavíti.
Þar var allt krökkt af Könum í base-lituðum fötum, sem voru mættir til þess eins að eyða peningum sem þeir vissu ekki hvað þeir ættu annars að gera við.
Mér finnst alveg ágætt að við dvöldum þar einungis í eina nótt.
Í gærmorgun vöknuðum við Sylvía kl 08:56 sem væri ekki í frásögu færandi ef rúturnar hefðu ekki átt að leggja stundvíslega af stað kl. 09:00. Við vöknuðum því upp með látum og pökkuðum niður á handahlaupum.
Í gær eyddum við svo deginum í San Fransisco sem var afar indælt, og get ég ekki annað en mælt með þeirri borg.

Í spilavítinu mátti finna minnsta rúllustiga í heimi

Fyrir þá sem vilja spara sér tíma

Svona er stemmarinn hér í San Fran

Í kvöld eru svo væntanlega trylltir tónleikar hér í San Fran í Shoreline Amphitheatre þar sem engir aðrir en Joanna Newsom og Ghostigital hita upp. Jibbí!

Red Rocks Amphitheatre

2007-05-16T15:40:00.000-07:00

Nú er ég stödd í Salt Lake City í Utah, en í gær voru magnaðir tónleikar í Red Rocks Amphitheatre í Denver.
Að mínu mati voru þetta bestu tónleikar okkar til þessa, og ætlaði allt um koll að keyra þegar við fluttum í fyrsta skiptið stuðlagið: “I Miss You”.
Red Rocks Amphitheatre er stór tónleikastaður sem er staðsettur utandyra, nánar tiltekið í rauðum kletti, og sitja því áhorfendur fyrir ofan sviðið.

Áhorfendasætin eru þónokkur

Áhorfendapallarnir séðir frá mínu sjónarhorni

Stuð í hljóðprufu

Það er magnað að standa efst í áhorfendastúkunni

Sumir voru meira smart en aðrir

Red Rocks Diet-Coke daman

Daglegt rútu-amstur

2007-05-13T12:05:00.000-07:00

Að mínu mati er þægilegur ferðamáti að ferðast um í svefnrútu.
Í stað þess að vera að dröslast um á flóknum amerískum flugvöllum annan hvern dag, leggst maður til hvílu á skikkanlegum háttatíma og er kominn á næsta áfangastað þegar maður vaknar.
Á fimmtudaginn sofanði ég í New York og vaknaði í Cleveland, á föstudaginn sofnaði ég í Cleveland og vaknaði í Chicago, og í gærkvöldi sofnaði ég í Chicago en vaknaði í Omaha, Nebraska.
Á daginn fáum við afnot af fínum hótelherbergjum, svo við getum farið í sturtu, æft okkur, hlaðið batteríin og gert jóga-æfingar.

Í gærkvöldi spiluðum við í The Auditorium Theatre í Chicago. Það gekk allt saman vel og var mikið stuð á eftir.

Það var svona mikið fjör í Chicago

Björk hljóp í skarðið fyrir 2.trompet

Það er allt að gerast hér í Omaha

On the road again

2007-05-10T21:10:00.000-07:00

Nú er 12 daga dvöl okkar í New York á enda, og er nú tekinn við annar kafli ferðalagsins sem er alvöru hljómsveitarútuferð þvert yfir Ameríku.
Hópurinn hefur nú byrgt sig vel upp af allskyns hlutum til afþreyingar, svo sem Tetris-leikjatölvum, Apolló lakkrís, snúningsspilinu Twister, DVD myndum, dömubindum og taktmælum.
Næstu 2 vikurnar eða svo munum við eyða mestum tíma í lúxus-rútunni, en brassstelpurútan okkar heitir "Whole lotta Horns".
Það gilda skýrar reglur á ferðalögum í rútunni.
Í fyrsta lagi verða allir að vera sjúklega hressir og kátir, og í öðru lagi er stanglega bannað að gera númer tvö. Ef svo illa vill til að einhverjum verði mál, þarf viðkomandi að hóa í rútubílstjórann Tony og biðja hann um að stansa sem snöggvast.
Lúxus-rútan ber svo sannarlega nafn með rentu, en í henni má finna 12 kósý kojurúm með sjónvarpi í hverju rúmi, eldhús, vírlaust internet, partýpláss með sjónvarpi og DVD-tæki, og fleira.

En hvað vorum við eiginlega að pæla í Apollo-eftirpartýinu?

Ég elska þennan gaur

Rútumyndir

Tony og Peter

Arcade Fire

2007-05-08T12:24:00.000-07:00

Í gær var okkur boðið af umboðsaðilum Bjarkar á tónleika með Arcade Fire.
Við skveruðum okkur því í Rock-chick-gallana okkar og héldum sem leið lá í næstu neðanjarðarlest.
Tónleikarnir voru í The United Palace Theatre, á sama stað og við spiluðum s.l. laugardag.
Þetta voru stuðtónleikar, hins vegar þótti okkur sérstakt að horfa á tónleika á sviði sem við stóðum sjálfar á tveimur dögum áður.
Arcade Fire voru afbragðsfín, þau voru ansi lífleg á sviðinu, og ekki var þurr blettur á skyrtu aðalsöngvarans undir lok tónleikanna.
Þótti mér einkennandi við flutning hljómsveitarinnar hversu mikið þau skiptust á að spila á hin ýmsu hljóðfæri.
Til að mynda voru tveir blásarar með þeim sem spiluðu báðir á franskt horn, Flugelhorn, trompet, klarínettur, bassasaxófónn, saxófónn, es horn og fleira. Það væri nú ekki verra að vera jafn fjölhæf á blásturshljóðfæri.
Hljómsveitin býr yfir gífurlega miklu úthaldi, en þau spila að jafnaði fjóra tónleika í röð, og fá svo kannski einn frídag á milli, meðan við spilum í mesta lagi á þrennum tónleikum í viku, og fáum minnst tveggja daga frí á milli.

Ég stalst til að taka nokkrar myndir úr fókus:

Aðalsöngvarinn að crowd-surfa

Í gær var aðeins verslað

Ég rakst á Tapas-bar sem bar hið girnilega nafn Kunta

Svo eru það bara tónleikar í Apollo Theatre í Harlem á eftir og útgáfuteiti. Jibbí.

The United Palace Theatre

2007-05-06T17:27:00.000-07:00

Í gær voru þrusu tónleikar í The United Palace Theatre, sem er leikhús og einnig kirkja á helgidögum.
Myndirnar tala sínu máli.

Krúttlegi túra-trukkurinn

Beðið eftir hljóðprufu

Með ómþór í eyra

United Palace stúkan

Fagri salurinn

Ég og Særún nýmálaðar

Allir í stuði eftir tónleikana

Fjör með hinum sæta Anthony Hegarty

Mark Bell og Særún vildu vera í stíl

Mikið gaman, mikið grín

New York dvöl

2007-05-05T13:12:00.000-07:00

Á fimmtudagskvöldið fórum við á hiphop tónleika með rappsveitinni Dalek. Raunar náðum við einungis hálfu lagi, þar sem lögreglan mætti með vasaljós og læti og stöðvaði gleðskapinn.
Við létum þessi tónleikavonbrigði ekki á okkur fá, heldur fórum á fyndinn kínverskan karókíbar í Chinatown.
Regla staðarins var einföld: “minimum 2 drinks during karokee”, og þrátt fyrir að vera í krefjandi vinnuferð, sá ég mér ekki annað fært en að hlýða reglu hússins.
Áður en ég vissi af vorum við Særún komnar með míkrafón í hönd og fluttum Van Morrison slagarann “Moondance”.
Þótti okkur tóntegund lagsins vera heldur í lægri kantinum fyrir tvítugar ungmeyjar, og lögðum því mikla áherslu á töfrandi danshreyfingar.
Eftir lagið kom amerísk dama til okkar til þess að þakka fyrir sönginn og sagði að við hefðum minnt hana á enga aðra en Lisu Ekdahl.

Nú eftir skamma stund spilum við á stórtónleikum í The United Palace Theatre. Tónleikarnir verða sendir út beint á netinu ef einhver hefur minnsta áhuga. Slóðin er:
http://www.npr.org/templates/story/story.php?storyId=9872952
Konono #1 byrja að hita upp klukkan átta, en við förum á svið skömmu eftir klukkan níu í kvöld, sem ætti að vera eitt eftir miðnætti á íslenskum tíma.

Krúttleg piknik-ferð í Central Park

Fjör í kínversku karókí

Særún velur réttu slagarana

Helga og Ragga slógu í gegn

við hittum Naked Cowboy, hann var hress

Radio City

2007-05-03T14:37:00.000-07:00

Í gær spiluðum við í hinu magnaða Radio City. Stressið var býsna mikið fyrir tónleikana en blessunarlega hvarf það líkt og dögg fyrir sólu um leið og við stigum á stokk.
Upphafslagið var skreytt með 16 eldsprengjum sem voru beint fyrir aftan okkur og var það ansi töff sviðsbrella. Hins vegar var ekki eins töff hóp-hóstakastið sem við brasspíurnar fengum af öllum reyknum sem fylgdi sprengjunum. Sumir urðu að bregða á það ráð að halda handklæði fyrir vitum sér en reykurinn staldraði við í 2 lög.
Þegar Jóga fór í gang birtist einn óvæntur gestur á sviðinu í trans-dans-stuði, en hann var greinilega að spila fyrir eitthvert annað lið en Bakkusar. Dansatriði óboðna sviðsgestsins varði reyndar ekki lengi þar sem að risastór svartur dyravörður var snöggur að draga hann af sviðinu. Sá ég útundan mér að þeir tóku þar einn léttan magadans.

Eftir tónleikana var eftirpartý, og síðan eftir-eftirpartý sem var í boði gaurana sem eru í hljómsveitinni Peter, Björn og John, sem ég þekkti reyndar ekki í sjón. En ég held að þeir hafi verið ansi hressir.

Annars er allt gott að frétta úr Stóra eplinu, við erum búnar að taka ansi góða verslunartörn, sem er nú aldeilis gott fyrir sálina. Við dveljum á einu flottasta hótelinu á Times Square og stíllinn er eftir því, gráir veggir, svart baðherbergi, flatskjár og anddyri með vatnsveggjum og lofti.
Loks var einn mikilvægasti áfangi ferðarinnar kláraður í gær þegar við fundum lítið sniðugt mexíkóskt þvottahús þar sem við hentum óhreinatauinu í vingjarnleg andlit starfsmanna þvottahússins. Þetta var sögulega ódýr þvottur, einungis 7 dollarar fyrir tvo poka af skítugu taui.
Á fína dýra hótelinu okkar, er líka boðið upp á þvottaþjónustu, sem Harpa básúna þáði, en hún vissi ekki að þvottaferðin myndi kosta hana 15 þús ísl. kr. sem er um það bil andvirði þvottsins.

Stuðmyndir:

Salurinn í Radio City er ekkert svo lítill

ég og Sylvía í stuði í hljóðprufunni

sviðsfánarnir eru fagrir

Andrea farðar Sylvíu

það væsir ekki um okkur í búningaherbeginu

tónleikaskótauið

ein í stresskasti fyrir tónleika

allir hressir eftir giggið

Valdís með ís á Times Square

Coachella

2007-04-28T02:19:00.000-07:00

Í gær komum við til New York og gistum nú á fjórða hótelinu í einni og sömu vikunni.
Það hefur var ansi mikið flandur á okkur í síðustu vikuna, og ég hef nú þegar staðið mig að því að muna ekki hvernig vistaverur næturinnar líta út.
En næstu tólf daga eða svo verðum við í hinni ágætu New York. Jibbí.

Eyðimerkurtónlistarhátíðinni Coachella er nú afstaðin, en við spiluðum þar á föstudaginn fyrir rúmlega 100.000 manns.
Það var mjög spes, mér leið eins og ég væri að fara í rússíbanaferð þegar við heyrðum í trylltum áhorfendum rétt áður en við stigum á svið.
Hins vegar var fremur óhugnalegt að sjá aðframkomna hátíðargesti dregna upp úr þvögunni fremst við sviðið.
Maður varð bara að leiða það hjá sér, og líka hið mikla mannhaf sem var fyrir framan okkur.
Það var ekki leiðinlegt að vera á VIP svæðinu, Ron Jeremey beið fyrir utan og gerði sig líklegan til að heilsa upp á bandið, en honum varð ekki kápan úr þeim klæðunum.
Uppi varð fótur og fit rétt fyrir tónleikana þegar uppábúnum brasspíunum vantaði sárlega hársprey, en hún Kelly Osbourne reddaði kvöldinu með því að lána okkur hárlakkið sitt.
Margar dægurtjörnur voru eitthvað að dúllast á svæðinu, en því miður er ég soddan sveitalúði að ég þekkti þær ekki í sjón, nema kannski leikkonuna Cameron Diaz.

Hér má sjá þónokkrar myndir frá herlegheitunum:

Peter production manager að kynna okkur fyrir búningaskápnum okkar

Sumir urðu skyndilega svona brúnir í Kaliforníu

Ein í stuði í hljóðprufu á Coachella

Coachella-sviðið var ágætt

Hér má sjá aftan á pörupiltana í Arctic Monkeys

Föngulegur brasshópur og Mark Bell

Einhver sniðugur málaði Coachellamynd okkur til heiðurs

Særún og ég að grína rétt fyrir tónleika

Eftirá var skálað og stiginn léttur dans

"Army of me" af Coachella

Röndótt mær í Kaliforníu

2007-04-25T23:52:00.000-07:00

Nú er ein vika af fimm búin af túrnum.
Allt hefur gengið snuðrulaust fyrir sig, en finnst mér dagarnir einkennast af fremur miklum notalegheitum.
Við þurfum ekki að hafa áhyggjur af neinu, nema kannski að muna eftir því að halda okkur í blásaralegu góðu formi og vera fyndnar.
Á morgnana er okkur skutlað af rokkgellum í æfingastúdíóið og þar fáum við hádegismat. Svo spilum við kannski í tvo tíma, þá er tea-time, þar á eftir er annað rennsli og þá er framreiddur kvöldverður. Síðan er okkur skutlað aftur uppá hótel.

Ég og Særún hornpía ætluðum að taka sólbaðið með trompi hér í Kaliforníu, en sökum mikilla æfingatarna gafst ekki mikill tími til sólbaðsdýrkunar. Því tókum við á það ráð í gærkvöldi að fara á sólbaðsstofu sem er beint á móti hótelinu. Afgreiðsludaman vorkenndi greinilega okkur, náhvítu íslensku telpunum, og mælti með því að við færum í svokallaðan Power-Mega -Tan spreyklefa. Hún lofaði okkur fallegri og jafnri brúnku sem við gætum verið stoltar af í eyðimörkinni á Coachella.
Ég reið á vaðið og fór fyrst inn í töfraklefann, og lét þessa mögnuðu gusu skvettast á allan líkamann.
Þótti mér þetta vera heldur mikil gusa en ég lét það bara þorna, en síðar kom í ljós að afgreiðsludömunni láðist að segja mér að það mikilvægasta við sprautunina væri að þurrka hana vandlega af líkamanum með handklæði. Í dag leit ég út eins og Esso tígrisdýrið.

Á morgun er svo þriggja tíma ógleðis-hitasvækju-keyrsla í eyðimörkina í Palm Springs.
Þar á að bíða okkur föngulegt spa hótel, þar sem verður farin hópferð í nudd.
Snemma í næstu viku mun ég loksins verða orðin fartölvueigandi, og þá mun ég gera daglega grein fyrir ferðum mínum hér í Ameríkunni.

Læt hér fylgja upptöku sem ég hann á youtube af tónleikunum í Laugardalshöll á annan í páskum.
Það er greinilegt að það má finna margt á þeim vef.

Myndir af afdrifum

2007-04-23T16:11:00.000-07:00

Hér má sjá nokkrar myndir af síðustu fimm dögum í New York

SATURDAY NIGHT LIVE æfing

Chris Corsano trommuleikari

Brasspíurnar

Mark Bell er hress

Jónas Sen er fönní

Saturday Night LIVE tónlistarsettið

Ég að grína á lúðurinn

Sylvía dead on!

Scarlett þáttarstjórnandi er ekki ljót

Ég stalst til að taka eina hreyfða mynd í beinni

Sumar voru í stuði

Dave Chapelle hitti mig í eftirpartýinu

Brjóstaskoruherbergið okkar Sylvíu í West Hollywood, LA

Ragga aðstoðarkona Bjarkar, Númi kokkur og Særún horn í sólbaði

Í dag fór ég í sólbað, það var næs

Afdrif

2007-04-23T10:33:00.000-07:00

Jibbi,
Tetta var magnad kvold, vid maettum klukkan fimm i hljodprufu. Klukkan atta var buningarennsli a thaettinum alveg eins og hann myndi vera live, ef eitthvad skyldi nu klikka. Og sidan var thad sjalf utsendingin, reyndar man eg eiginlega ekkert eftir thvi ad hafa verid tharna a svidinu. Eftir thattinn var sidan eftirparty og eftir thad eftir-eftirparty.
A naestu dogum mun eg henda inn myndum af thessu ollu saman.
En nuna erum vid i LA, nanar tiltekid i vestur Hollywood. Thessa vikuna munum vid aefa i Burbank fyrir Coachella festivalid sem er a fostudaginn. Auk thess hef eg akvedid a verda brun her i Caloforniu, svo eg er ad spa i ad skella mer kannksi bara ut i solbad.

Her ad nedan ma sja frammistodu laugardagskvoldsins
Earth intruders

Wanderlust

Allt að gjörast

2007-04-13T10:42:00.000-07:00

Nú fer að styttast í brottför, við fljúgum til New York á miðvikudaginn.
Fyrsta giggið í Ameríkunni er hvorki meira né minna en bein útsending í SATURDAY NIGHT LIVE á laugardaginn eftir viku!!
Það verður hin ágæta Scarlett Johansson sem verður gestgjafi þáttarins. Leikur mér svo grunur um að nokkrir ungir peyjar sem ég þekki til muni finna til öfundar í minn garð, þar sem margur karlpeningurinn gæfi gull og græna skóga til þess eins að komast í návígi við hina snoppufríðu Scarlett.

Kannski skila ég kveðju.

Víhú

2007-04-10T10:02:00.000-07:00

Í gær hófst heimstúrinn með massívum tónleikum í Laugardalshöllinni. Allt gekk vel miðað við að þetta voru fyrstu heilu tónleikarnir sem bandið spilar saman, en lögin eiga eftir að slípast til á næstu mánuðum.
Við vorum í búningunum okkar, sem eru kannski svolítið hlægilegir að sjá í fyrstu. Minn er skær-blár og eru þeir þeim eiginleikum gæddir að í Black-lightinu sem verður á tónleikum úti koma fram ýmis mynstur.
Þegar síðasta lagið var búið varð ég svo æst að þegar við hlupum á eftir Björk af sviðinu gleymdi ég að taka mónitórinn (ómþórinn svokallaða) úr eyranu með þeim afleiðingum að ég sparkaði trompetinum mínum á trompetinn hennar Sylvíu. Var ég því heldur hrædd um að litla ótryggða gersemin mín hefði farið í mask, en sú var ekki raunin, allavega virkaði hann í uppklappslaginu.

Áhorfendur voru greinilega í miklu stuði, en þótti mér nokkuð áberandi fjöldi útlendinga sem höfðu raðað sér fremst við sviðið. Einnig mátti heyra milli laga hróp þróttmikilla Ítala, sem kölluðu í sífellu "Bravi" "Bravissimo", og þótti okkur það heldur kjánalegt á tónleikum hér á fróni. Síðar um kvöldið kom hins vegar í ljós að þróttmiklu Ítalarnir hefðu verið karl faðir minn, sem fann sig knúinn til að lýsa hrifningu sinni á þessa leið.

Læt hér fylgja nokkrar stuðmyndir:

svo var skálað

Fyrsta giggið

2007-04-04T02:22:00.000-07:00

Það var ansi sérstök tilfinning að stíga á stokk í fyrsta sinn með brasspíunum og sjálfri aðaldömunni á Nasa sl. sunnudagskvöld. Að mínu mati var þetta alveg ágætis frammistaða hjá okkur, ekkert brak og engir brestir.

Fyrst tóku Björk og Jónas Sen "Cover me"

síðan bættumst við við, skelltum hljóðnemunum á lúðrana og lékum "Immature" og "The Anchor Song"

Myndataka

2007-03-31T09:48:00.000-07:00

Hérna má sjá frá því þegar við fórum í ljósmyndatöku fyrir túrinn. En dömurnar í Gjörningaklúbbunum voru búnar að sauma á okkur magnaðan 10 manna kjól.

skondin stígvél

Særún, Sigrún, Björk og ég vöknuðum allar með eins koddafar á enninu

slegið á létta strengi

ég, Særún, Björk og Erla

stelpurnar að koma sér í kjólinn

Svo eru hérna myndir af brassæfingu í Seglagerðinni Ægi:

Fyrstu tónleikarnir

2007-03-17T10:43:00.000-07:00

Þá er komið að því.
Fyrstu tónleikar voltabandsins verða í Laugardalshöll 9. apríl. Það verður væntanlega mikið stuð og hvet ég alla sem hafa áhuga á að kíkja við, því ekki er víst að Björk muni aftur halda stórtónleika á Íslandi á næstu mánuðum.
En fyrsta eiginlega giggið verður á styrktartónleikum FORMA á Nasa þann 1. apríl. Þá flytur Björk 2 lög einungis með okkur brass-stelpunum. Hætt er við að minni muni verða ómótt af stressi fyrir þann konsert, en annars erum við (ég og lúðurinn) að verða ansi lipur af miklum æfingatörnum þessa dagana:

Æfingamyndir úr Tónlistarþróunarmiðstöðinni

2007-03-12T11:46:00.000-07:00

Matt útsetjari er mikill grínari

Særún er líka mikill grínari

Fregnir

2007-03-07T13:44:00.000-08:00

Jæja, nú fer óðum að styttast í túrinn góða, en samkvæmt nýjasta plani höldum við til Ameríku þann 18 apríl, og munum túra í rúmar 5 vikur .
Æfingar hjá okku brasspíunum með Matt útsetjara hófust á mánudaginn var, og ganga þær þrusuvel að mínu mati þrátt fyrir nokkur eymsli í öxlum og baki hjá minni eftir mikið spilerí.
Við æfum samtals í tvær vikur með honum, en síðan taka við þrjár vikur með restinni af bandinu og Björk.
Það fer ekki hjá því að það er kominn ansi mikill ferðahugur í mannskapinn, en meira um framvindu mála síðar

Valdís

Yfirlýsing

2007-01-04T15:12:00.000-08:00

Þessi síða mun ekki komast í gagnið fyrr en ég verð farin á heimstúr í lok apríl 2007.
Þá mun ég hvorki skrifa miklar yfirlýsingar né hafa stór orð um þá ferð, heldur ætla ég að setja reglulega inn stafrænar myndir sem munu lýsa væntanlegum ævintýrum mínum í hinum ýmsu löndum.
Farið varlega
Valdís