Myndataka

Hérna má sjá frá því þegar við fórum í ljósmyndatöku fyrir túrinn. En dömurnar í Gjörningaklúbbunum voru búnar að sauma á okkur magnaðan 10 manna kjól.



skondin stígvél


Særún, Sigrún, Björk og ég vöknuðum allar með eins koddafar á enninu


slegið á létta strengi


ég, Særún, Björk og Erla


stelpurnar að koma sér í kjólinn

Svo eru hérna myndir af brassæfingu í Seglagerðinni Ægi:

Fyrstu tónleikarnir

Þá er komið að því.
Fyrstu tónleikar voltabandsins verða í Laugardalshöll 9. apríl. Það verður væntanlega mikið stuð og hvet ég alla sem hafa áhuga á að kíkja við, því ekki er víst að Björk muni aftur halda stórtónleika á Íslandi á næstu mánuðum.
En fyrsta eiginlega giggið verður á styrktartónleikum FORMA á Nasa þann 1. apríl. Þá flytur Björk 2 lög einungis með okkur brass-stelpunum. Hætt er við að minni muni verða ómótt af stressi fyrir þann konsert, en annars erum við (ég og lúðurinn) að verða ansi lipur af miklum æfingatörnum þessa dagana:

Æfingamyndir úr Tónlistarþróunarmiðstöðinni

Matt útsetjari er mikill grínari


Særún er líka mikill grínari

Fregnir

Jæja, nú fer óðum að styttast í túrinn góða, en samkvæmt nýjasta plani höldum við til Ameríku þann 18 apríl, og munum túra í rúmar 5 vikur .
Æfingar hjá okku brasspíunum með Matt útsetjara hófust á mánudaginn var, og ganga þær þrusuvel að mínu mati þrátt fyrir nokkur eymsli í öxlum og baki hjá minni eftir mikið spilerí.
Við æfum samtals í tvær vikur með honum, en síðan taka við þrjár vikur með restinni af bandinu og Björk.
Það fer ekki hjá því að það er kominn ansi mikill ferðahugur í mannskapinn, en meira um framvindu mála síðar

Valdís